ಬೆವರ ಹನಿಯ ಮಿಂಚಲಿ ನನ್ನ
ನಗುವನು ಕೊಂಡು ತರುವನು,
ಕರೆ ಕರೆದು ಕಂದಾ ಎಂದು ಪ್ರೀತಿಯಿಂದ
ತುತ್ತನಿಡುವನು, ಎದೆಯ ಮೇಲಿನ
ಹೃದಯದಾಸಿಗೆಯಲ್ಲಿ ಬೆರಳ ತುದಿಯಲಿ
ಲಾಲಿ ಹಾಡುತ್ತಾ ಗಾಳಿಗೆ ತಂಪು ಕಲಿಸುವನು,
ನಿದ್ದೆಯ ಮಡಿಲಲಿ ನನ್ನ ಮಲಗಿಸುವವನು.
ಬೇರೊಂದು ಹೆಸರುಬೇಕೇನು ಅಪ್ಪ
ಎಂಬ ಆತ್ಮೀಯತೆ ಸಾಲುವುದಿಲ್ಲವೇ!
ಜೀವ ಮಿಡಿಯಲು ಅವನ ಒಂದು ಕರೆಗೆ.
ಗಡಸು ಧ್ವನಿಯಲ್ಲಿ ತುಸು ಕೋಪ ಹೆಚ್ಚಾದರೂನು
ಭುಜಕ್ಕೆ ಒರಗಿ ಕುಂತ ಕ್ಷಣ ಮೃಧು ನೆರಳ ಮೌನ ಸಾಕಾಗುವಷ್ಟುಂಟು ನನ್ನ ನೋವ ಹಂಚಿಕೊಳ್ಳಲು.
ಜೀವ ನೀಡಿದರೂ ಜೋಕಾಲಿ ಜೀಕುತಿರಳು
ಪುಟ್ಟ ಮಗು ತಾನಗುವನು, ಕಣ್ಣ ಮುಚ್ಚಿ ಕದ್ದು
ಮುಚ್ಚಿ ಓಡಿ ಬಂದು ಬಿಗಿದಪ್ಪಿ ಮುದ್ದಾಡುವನು,
ಹೇಳಲೆಷ್ಟು ಚಂದ ನೋಡುವ ನಾಯನಗಳಿಗೆ
ಆನಂದ ಅಪ್ಪನ ಪ್ರೀತಿ ಅವನೊಬ್ಬನಿಗೆ ತಿಳಿದ ರೀತಿ.
ಓ ಮನಸೇ....
ನೀ ಖಾಲಿಯಾದಾಗ..!
ನೀನೇನೊ ತುಂಬಿಕೊಂಡೆ..
ನೂರು ನೆನಪುಗಳ..!
ಕೋಟಿ ಕನಸುಗಳ...!!
ಆದರೆ...
ನನ್ನ ಹೃದಯ ಖಾಲಿಯಾದಾಗ..!
ನೂರು ಕೈ ಒರೆಸಿದರೂ,
ನಿಲ್ಲುತ್ತಿಲ್ಲ ಕಣ್ಣೀರು.....
ಭಾರವಾಗಿ ಹೋಗಿದೆ,
ಈ ಮನದ ಉಸಿರು...
ಒಮ್ಮಯಾದರೂ ಕೇಳಲಿಲ್ಲ...!
ನೀ ನನ್ನ ಒಪ್ಪಿಗೆ......
ನೋವಲ್ಲೇ ಸಾಗುತಿರುವೆ...!
ನೀ ಮಾಡಿದ ತಪ್ಪಿಗೆ.....
ನಿನ್ನ ಬರುವಿಕೆಗಾಗಿ
ಕಾಯ್ದುಕುಳಿತಿರುವ
ಈ ನನ್ನ ಕೊಲ್ಲಲು
ಬೇರಾವ ಆಯುಧಗಳ
ಜರೂರತ್ತಿದೆ ಹೇಳು ಹುಡುಗಿ|
ನೀನೊಮ್ಮೆ ತಿರುಗಿ
ನೋಡದೆ ಹೋದರಾಯ್ತು.
ಸಣ್ಣ ನಗುವೊಂದ
ಬೀರದೆ ಇದ್ದರಾಯ್ತು.
ಮೌನದ ಅಸ್ತ್ರ ಎಸೆದರಾಯ್ತು.
ಆ ಕ್ಷಣವೆ
ಈ ನಾನು
ಸತ್ತಂತಲ್ಲವೇನೆ ಹುಚ್ಚು ಹುಡುಗಿ.
ಬದುಕಲಿಲ್ಲ ನಾನು ನಿಮ್ಮ ಹಾಗೆ.
ಮೈಯ ಮಾರಿಕೊಂಡರೂನು
ಮನಸ ಮಾರಿಕೊಂಡವಳಲ್ಲ,
ನಿಮ್ಮ ದೃಷ್ಟಿಯಲ್ಲಿ ಕೆಟ್ಟವಳು
ಅನಿಸಿಕೊಂಡರೂನು
ಕನಸುಗಳಿಗೆ ಕೊಳೆ ಅಂಟಿಲ್ಲ!!
ಮೊಗಕೆ ಬಣ್ಣ ಬಳಿದರೂನು
ಬಣ್ಣ ಬದಲಿಸಿ ಬದುಕಲಿಲ್ಲ,
ಕೈ ಚಾಚಿ ದುಡ್ಡು ಪಡೆದರೂನು
ಇನ್ನೊಬ್ಬರ ಬೆವರ ಹನಿಯ ದೋಚಲಿಲ್ಲ!!
ಬದುಕಲಿಲ್ಲ ನಾನು ನಿಮ್ಮ ಹಾಗೆ.
ಹೊಟ್ಟೆಗಾಗಿ ಬಟ್ಟೆ ಕಳಚಿದರೂನು
ಮತ್ತೊಬ್ಬರ ಕಣ್ಣ ಹನಿ ಕುಡಿದು ನನ್ನ
ದಾಹ ನೀಗಿಸಿಕೊಂಡವಳಲ್ಲ!!
ಸೂಳೆ ಎಂದ ಮಾತು ಕೇಳಿ
ನೋಂದರೂನು ಅಸೂಹೆಯಿಂದ
ನಿಮ್ಮ ಮನೆಗಳ ಒಡೆಯಲಿಲ್ಲ,
ಸೇರಗಾಸಿ ನನ್ನ ಮಕ್ಕಳ ಹೊಟ್ಟೆ
ತುಂಬಿಸುವುದು ನನಗೆ ಒಮ್ಮೆಯೂ
ತಪ್ಪು ಎನಿಸಲಿಲ್ಲ!!
ಅಳುವ ಕಣ್ಣಿಗೂ ಆಸೆಯುಂಟು
ನಗುವ ತುಟಿಗೂ ನೋವುಂಟು,
ಉಳಿಸಿಬಿಡಿ ನನ್ನನ್ನು ಇತಿಹಾಸದಲ್ಲಿ
ಹೆಸರಿಲ್ಲದೆ ಉಸಿರಾಡುವ ಪುಸ್ತಕದ
ಕಥೆಯಂತೆ, ಹೇಳಿದರೂ ನಿಮಗೆ
ತಿಳಿಯದ ನನ್ನ ಮನಸಿನ ವ್ಯಥೆಯಂತೆ!!
ಕಣಗಿಲದ ಕುಸುಮದಲಿ
ನಿನ್ನ ಮೊಗವ ಕಂಡೆ
ಮುದ್ದಾದ ತುಟಿಯಂಚಲಿ
ತುಂಟ ನಗೆಯ ಕಂಡೆ
ಹಾಲುಗೆನ್ನೆಯ ದಿಮ್ಮೆಗಳಲ್ಲಿ
ಚಂದಿರನ ಹೊಳಪನು ಕಂಡೆ
ಮುದ್ದಾದ ಮೂಗಿನ ಮೇಲೆ
ದುಂಬಿಯು ಕೂರುವುದು ಕಂಡೆ
ಆದರೆ ನಿನ್ನ ಕಣ್ಣಂಚಲಿ
ನನ್ನ ಬಿಂಬವೇ ಕಾಣಲಿಲ್ಲ.....
##ಮೌನಿ##