Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಕಾದಿರುವೆ ನೀ ಬರಬಾರದೆ...

ರಾತ್ರಿ ವೇಳೆಯಲ್ಲಿ ಕಾಣುವ
ಆ ಚಂದ್ರ ಮುಖದವಳು
ಕನಸಲ್ಲಿ ಕಾಡುವ ಹಸನ್ಮುಖಿ
ಕಣ್ಣುದ್ದುರು ಎದ್ದು ಬರುವ ದೇವತೆಯೇ...

ಸೂರ್ಯ ಮುಳುಗು ಹೊತ್ತಿನಲ್ಲಿ
ಇಬ್ಬರು ಜೊತೆಯಾಗಿ ಕೂತು
ಆಡೋಣ ನೂರೆಂಟು ಮಾತುಗಳು
ನಾ ಕನಸ್ಸಿನಲ್ಲಿ ನೀ ನನಾಗಿತ್ತ ಮುತ್ತು
ನಿನ್ನ ದಾರಿಯನ್ನೇ ಕಾದಿರುವೆ ನಾನು
ಇನ್ನಂದ್ದರೂ ನೀ ಬರಬಾರದೇನು...

ತುರು ತುರು ಮಳೆ ಬಾರುವ ಸಮಯ
ನಾ ಬಂದು ನಿಂತಿರುವೆ ನಿನ್ನ ಸನಿಹ
ತಿಳುಸುವೆಯ ನಿನ್ನ ಮನದ ಬಯಕೆಯು
ಅಂದು ಕನಸಲ್ಲಿ ಕೊಟ್ಟ ಬಾಷೆಯ
ನಂಬಿ ನಾ ಕಾದಿರುವೆ ನಿನ್ನ ದಾರಿಯನ್ನು
ಇನ್ನಂದ್ದರೂ ನೀ ಬರಬಾರದೆಯೇ..... ನಿನಗಾಗಿ ಕಾಯುವೆ ಸದಾ......

- Ajay

08 Oct 2019, 09:22 pm

ತಾಯಿ ದೇವಕಿ

ಒಂಬತ್ತು‌ ತಂಗಳು
ಗರ್ಭದಿ ನಿನ್ನಿರಿಸಿ
ಹಡೆದಳಾ ತಾಯಿ ದೇವಕಿ!!
ಅಂಗೈಯ ಬೊಗಸೆಯಲಿ
ಕಂದನ ಮೊಗ ನೆನೆದು
ಮುದ್ದಿಸಿದಳಾ ತಾಯಿ ದೇವಕಿ!!
ಬರಿಗೈಯ ತಾ ಹಿಡಿದು
ಮುತ್ತಿಕ್ಕಿ ಎತ್ತಾಡಿ
ಲಾಲಿಸಿದಳಾ ತಾಯಿ ದೇವಕಿ!!
ತುಂಬಿದ ಎದೆಯಿಂದ
ಅಮೃತವನು ಚಿಮ್ಮಿ
ಪಾಲಿಸಿದಳಾ ತಾಯಿ ದೇವಕಿ!!
ನೀನಿರುವ ಗುಂಗಲ್ಲಿ
ಬರಿ ಮಡಿಲ ಸವರುತ್ತ
ಪೋಶಿಸಿದಳಾ ತಾಯಿ ದೇವಕಿ!!
ನಿನ್ನ ಒಂದು ಅಪ್ಪುಗೆಗೆ
ಹಗಲಿರುಳು ಸೆರೆಯಲ್ಲಿ
ಕಾದಿರುವಳಾ ತಾಯಿ ದೇವಕಿ!!

- ಪಿ.ಜಿ.ಜ್ಯೋತಿ

06 Oct 2019, 10:59 am

ಮನಸು

ಮಗುವ ಮುಗ್ಧ ಮನಸು ನೋಡಿ
ಮಂತ್ರ ಮುಗ್ಧ ನಾದೆ ನಾನು
ಕಂಡದ್ದೆಲ್ಲಾ ಬಯಸಿ ಕೇಳುವ
ಕಿಶೋರ ಮನವ ಒಲಿಸೆ ನಾನು

ಅರಿಯಬಹುದೆ ಸುಲಭದಲ್ಲಿ
ಚಂಚಲಚಿತ್ತ ಚಕೋರಿ ಮನವ
ಅಂಧಕಾರದಲ್ಲಿ ಮುಳುಗಿ
ಪ್ರೀತಿಯಲ್ಲಿ ಸೋತ ಮನವು

ಸ್ಫಟಿಕದಷ್ಟು ಸ್ಪಷ್ಟ ಖಚಿತ
ನನ್ನ ತಂದೆ ಮನದ ನಿಲುವು
ಬೆಣ್ಣೆಯಂತೆ ಮೃದುವು ಕಾಣಿ
ಮಗುವಿಗಾಗಿ ತಾಯ ಮನವು

ಕುಸುಮದಂತೆ ನಯವು ಸೂಕ್ಷ್ಮ
ನನ್ನ ಪ್ರಿಯೆಯ ನವಿರು ಮನಸು
ಹತ್ತಿಯಂತೆ ಹಗುರ ನೋಡಿ
ನನ್ನ ತುಂಟ ತಂಗಿ ಮನವು

ಎಂದೊ ಕರಗದಿಹದು ನೋಡಿ
ನನ್ನ ಬಾಸ ಕಲ್ಲು ಮನಸು
ಶ್ವೇತ ಶುಭ್ರ ಹಾಳೆಯಂತೆ
ಗೆಳೆಯನಾ ತೆರೆದ ಮನವು

ಕಲ್ಪನೆಗೂ ಮೀರಿಹುದು
ಕರುಣಾಮಯಿ ಆ ದೇವನ ಮನವು!!

- ಜೈಮಿನಿ

06 Oct 2019, 05:33 am

ಆನಂದವ ಹೇಗೆ ಹೇಳಲಿ

ನಮ್ಮ ಕನಸೊಂದು
ಮಗುವಾಗಿ ಇಂದು
ಈ ಭೂಮಿಗೆ ಬಂದಾಯಿತು!!
ಈ ಶೃಷ್ಠಿಯ ತುಂಬ
ಹಸಿ ಹಸಿರಿನ ಚೆಂದ
ಎಲ್ಲೆಲ್ಲೂ ನವಿರಾಯಿತು!!

ಮುಂಜಾನೆಯ ಅರುಣ
ಎಳೆ ಬಿಸಿಲಿನ ತರುಣ
ಹೊಂಬೆಳಕನು ನೀ ತಂದೆಯಾ!!
ಕೋಗಿಲೆಗಳೆ ಕೇಳಿ
ಎಲ್ಲೆಲ್ಲೂ ಸಾರಿ
ನಮ್ಮ ಮಡಿಲಿನ ಆನಂದವ!!

ಇಬ್ಬನಿ ಮಣಿ ಸಾಲೆ
ಹಸಿರೆಲೆಗಳ ಮೇಲೆ
ಹೋಳೆ ಹೊಳೆದು ನೀ ಹಿಗ್ಗುವೆ!!
ಅಂಗೈಯ ಮೇಲೆ
ಹಸುಕಂದನ ಲೇಲೆ
ಎತ್ತಾಡುತ ನಾ ಹಿರಿಹಿಗ್ಗುವೆ!!

ತಿಂಗಳ ಮನೆಯಲ್ಲಿ
ಬೆಳದಿಂಗಳ ಹೋಳಿ
ಕಂಗಳಿಗೆ ಹಿತ ನೀಡಿವೆ!!
ತಂಗಾಳಿಯ ಜೋಲಿ
ನಮ್ಮ ಕಂದನಿಗೆ ಲಾಲಿ
ಆನಂದವ ಹೇಗೆ ಹೇಳಲಿ!!

- ಪಿ.ಜಿ.ಜ್ಯೋತಿ

05 Oct 2019, 03:30 pm

ವಯಸ್ಸು

ಹರೆಯದ ವಯಸ್ಸು
ಕರಗದ ಕನಸ್ಸು
ಅಡಿಯಿಡುವೆಡೆಯೆಲ್ಲ
ತುಂಬಿದೆ ಹೊಲಸ್ಸು

ಮನದಿ ನೂರೊಂದು ಬಯಕೆ
ಮುಚ್ಚಿಡುವ ನಟನೆಯಾಕೆ
ಅಂಕೆಯಿಲ್ಲದ ಮನಸ್ಸು
ಕಣ್ಸನ್ನೆಯ ಸೊಗಸು
ಯಾತಕೀ ಹುಸಿಮುನಿಸ್ಸು

ಮುಂಗುರುಳ ಮರೆಯಲ್ಲಿ
ಮೋಹಕ ನಗೆಯಲ್ಲಿ
ವಯ್ಯಾರದ ನೋಟ
ಇದೆ ಹದಿಹರೆಯದವರ ಆಟ

ಮಾಮರ ಚಿಗುರೊಡೆಯಲು
ಕೋಗಿಲೆಯ ಗಾನದ ಹೊನಲು
ಎಲ್ಲೆಲ್ಲು ನಿಸರ್ಗದ ಒಲವು
ವಸಂತನ ಜನನದ ಸುಳಿವು
ವಯಸ್ಸಿನ ಅಮಲು
ಅವನತಿಯ ಸುಳಿವು



ಶಾರದ

- ಶಕುಂತಲಾ

05 Oct 2019, 02:16 pm

ಅವನು/ಅವಳು

ಅವನು:
ನಲ್ಲೆ ನಾನೇನೆಂದರೂ
ನೀನೇಕೆ ಒಲ್ಲೆ

ಅವಳು:
ಯಾಕೆಂದರೆ ನಿನ್ನೊಳಗೇನಿದೆ
ಎಂಬುದ ನಾ ಚೆನ್ನಾಗಿ ಬಲ್ಲೆ

- basheer

05 Oct 2019, 10:47 am

ಕನ್ನಡವೆ ನನ್ನತನ

ರೈತಾ ಬೇಳೆಯುವ ಬೆಳೆಯಂತೆ
ಕನ್ನಡತನವು ನನ್ನ ಮನದಲ್ಲಿ ಬೆಳೆದ್ದಿದೆ
ನಾ ಯಂದೆದಿಗು ಕನ್ನಡಿಗನಾಗೆ ಬಾಳುವೆ
ಕೂನೆ ಉಸಿರಿರುವರೆಗು
ನನ್ನ ಕೂನೆಯ ಪದ ಕನ್ನಡವೆ ಯಾಗಿರುವುದು

- hingeramesh19@gmail.com

04 Oct 2019, 10:50 pm

ಕೈ ಕೋಟ್ಟ ಹುಡುಗಿಗೊಂದು ಸಂದೇಶ

"ಇದ್ದಾಗ ಕನಸಲ್ಲಿ ಬಂದವಳು ನೀನು,
ಈಗ ಕೈ ಕೊಟ್ಟು ಕತೆಯಾದವಳು ನೀನು,
ನೀನು ಇದ್ದಾಗ ಕೈ ಗೆ ಸಿಗಲಿಲ್ಲ,
ಈಗ ಸಿಕ್ಕರೆ ಏನು ಉಪಯೋಗ ಇಲ್ಲ,
(my first love❤️

- Manju Hadimani

04 Oct 2019, 09:30 pm

ಸ್ವಪ್ನ ಸುಂದರಿ

ಎಲ್ಲಿರುವೆ ಸುಂದರಿ ಎಲ್ಲಿರುವೆ?

ದಿನವು ನನ್ನ ಸ್ವಪ್ನದಲ್ಲಿ
ಬಂದು ನೀನು ಕಾಡುತಿರುವೆ
ಯಾರು ಎಂದು ತಿಳಿಯದಾಗಿ
ಇಳೆಯನೆಲ್ಲ ಹುಡುಕುತಿರುವೆ ||

ಶ್ವೇತ ಶುಭ್ರ ಉಡುಗೆ ತೊಟ್ಟು
ಮುಖದ ತುಂಬ ನಗೆಯ ಚೆಲ್ಲಿ
ಕವಿಯ ಮನಕೆ ಸ್ಫೂರ್ತಿಯಾದೆ
ರಸಿಕರೆದೆಯ ಬಡಿತವಾದೆ ||

ಬೇಲೂರ ಶಿಲ್ಪದಲಿಯ
ಚೆಲುವನೆಲ್ಲ ನೀನೆ ಕುಡಿದು
ತುಂಟ ನಗೆಯ ಸೂಸುತಿರುವೆ
ಮನವನೆಮ್ಮ ಸೆಳೆಯುತಿರುವೆ ||

ತಂಪು ಗಾಳಿ ನಿನ್ನ ಕೆಂಪು
ಕದಪು ಸೋಕಿ ಬೆಚ್ಚಗಾಗಿ
ನನ್ನ ವದನ ತಾಕಿದಾಗ
ಪುಳಕ ಗೊಂಡೆ ಹುಚ್ಚನಾಗಿ ||

ದುಂಬಿಯೊಂದು ನಿನ್ನ ತುಟಿಯ
ರಕ್ತ ಪುಷ್ಪವೆಂದುಕೊಂಡು
ಮಧುವ ಹೀರಲೆಂದು ಬರಲು
ರೋಷದಲ್ಲಿ ಅದನು ಹೊಡೆದೆ ||

ಒಂದು ಕೈಲಿ ಶುಕವ ಹಿಡಿದು
ಅದರ ಭಾಷೆ ಮಾತನಾಡಿ
ಬಿಂಕದಲ್ಲಿ ನಡೆಯುತಿರುವ
ನಿನ್ನ ನೋಡಿ ಬೆರಗು ಆದೆ ||

ದರ್ಪಣದಲ್ಲಿ ನಿನ್ನ ವದನ
ನೋಡಿಕೊಂಡು ಹಣೆಯ ತಿಲಕ
ಸರಿಯ ಮಾಡಿ ಕೊಳ್ಳುತ್ತಿರುವ
ಪರಿಯ ನೋಡಿ ಮೂಕನಾದೆ ||

ಒಂದು ಕೈಲಿ ಕುಂಚ ಹಿಡಿದು
ಚಿತ್ರವನ್ನು ಬರೆಯುತ್ತಿರುವೆ
ಏನದೆಂದು ನಾನು ನೋಡೆ
ನನ್ನ ಕಂಡು ಹರುಷಗೊಂಡೆ ||

ಬಾಲ ರವಿಯು ಮೂಡಿ ಬರಲು
ಮಂಜು ಮಾಯವಾಗಿ ಹೋಗಿ
ನಿನ್ನ ತನುವು ಚಿತ್ರ ವಾಯ್ತು
ನನ್ನ ಮನದ ಪಟದಲಿಂದು ||

ಬಿಸಿಲ ಝಳವು ಏರುತಿರಲು
ನೊಸಲ ಬೆವರು ಮುತ್ತದಾಗಿ
ತನುವ ನಗವು ಭಾರವಾಗಿ
ತಂಪು ನೆರಳ ಹುಡುಕುತಿರುವೆ ||

ಸಂಜೆ ಗೆಂಪು ಮೂಡಿ ಬರಲು
ಇಳಿವ ರವಿಯ ಕಿರಣ ನಿನ್ನ
ಮೈಯ ರಂಗು ಮಾಡಿ ಚಿನ್ನ
ಮನವದಾಗಿ ಬೆರಗು ನನ್ನ ||

ಎಷ್ಟು ದಿನವು ಸ್ವಪ್ನದಲ್ಲಿ
ಅಂಕೆಯೊಂದು ಇಲ್ಲದಾಗಿ
ಹೊತ್ತು ಗೊತ್ತು ನೊಡದಾಗಿ
ಬರುತಲಿರುವೆ ನನ್ನ ಕಾಡಿ ||

ಬಹಳ ವರುಷ ಕಳೆಯಲಾಗಿ
ಒಂದು ನಸುಕು ಎಚ್ಚರಾಗಿ
ತಿರುಗಿ ನೋಡೆ ನೀನೆ ಕಂಡೆ
ಅದುವೆ ನನ್ನ ಚಿನ್ನ ನನ್ನ ರನ್ನ !!

- ಜೈಮಿನಿ

04 Oct 2019, 06:47 am

ಬೆದರು ಬೊಂಬೆ

ನಿನ್ನೆಗಳ ಸಮಾಧಿ ಮೇಲೆ
ಚಿಗುರೊಡೆದ ಗಗನ ಚುಂಬಿಗಳೊಳಗೆ
ಚೀರಾಟಗಳ ದೀನ ರಾಗ
ಮರೆವು ವರವೆಣಿಸಿ, ಕುಣಿದಾಡುತ್ತಲೇ
ಮರೆಯಾಗುವ ಮೌನ ರಾಗ !

ನೆರೆಯ ನೋವಿಗೆ ರಾಗವಿಲ್ಲ
ಮರಣ ವ್ಯಾಪಾರಿಗಳಿಗೂ ಬರವಿಲ್ಲ
ತಿರುಗು ಚಕ್ರದ ಮುಂದಿನ ಗುರಿ
ನಾನೇ ಎನ್ನುವ ಅರಿವಂತೂ ಇಲ್ಲವೇ ಇಲ್ಲ.

ಮರಣ ಭೀಕರ ಎಣಿಸುವುದಿಲ್ಲ
ಕೈಗಳಿಲ್ಲದ ಕಂದನಿಗೆ ಕಾಲುಗಳೂ ಇಲ್ಲ
ರುಂಡ ಬೇರ್ಪಟ್ಟ ಮೇಲೆ ಏನಿದ್ದರೇನು ?
ನರಳಿ ಒದ್ದಾಡುತ್ತಿದೆ ಬಾಲ್ಯಗಳು.

ಯುದ್ಧಪ್ರಭುಗಳ ಕಾರುಬಾರುಗಳಿಗೆ
'ಶಾಂತಿ ಪ್ರೀಯರ'ರ ಒತ್ತಾಸೆಗಳು
ಬೆದರು ಬೊಂಬೆಯಾದ ರಾಜನಿಗೆ
'ಅಯ್ಯೂಬೀ' ಬಗ್ಗೆ ಅರಿವೇ ಇಲ್ಲ.

(ಅಯ್ಯೂಬಿ= ಹಿಂದೆ ಅರೇಬಿಯಾವನ್ನು ಆಳಿದ ಮಹಾನ್ ರಾಜ)

- basheer

03 Oct 2019, 11:32 am