ಅಮ್ಮ ಎಂಬ ಕೂಗನ್ನು ಮರೆತಿದ್ದೆ ದಶಕದಿಂದ
ಕಾರಣ, ಅಪ್ಪ ಎಂಬ ವಸ್ತುವಿನ ಪ್ರೀತಿಯಿಂದ
ಮರೆತದ್ದು ಅಮ್ಮ ಎಂಬ ಪದವನ್ನಷ್ಟೇ
ಅವಳ ಹಳೆಯ ನೆನಪುಗಳನ್ನಲ್ಲ
ಮರಳಿ ಮರುಕಳಿಸಿದೆ ನೆನಪುಗಳು
ಆಕೆಯ ಜೊತೆ ಕೈ ಹಿಡಿದು ಜಾತ್ರೆಯಲ್ಲಿ ಸುತ್ತಿದ್ದು,
ಆಕೆ ಹೊಡೆದದ್ದು, ಬೈದದ್ದು, ಅತ್ತಿದ್ದು, ಮುತ್ತಿಟ್ಟಿದ್ದು,
ಹಸಿವಾಗುವ ವೇಳೆಗೆ ತುತ್ತಿಟ್ಟಿದ್ದು, ತಿನ್ನದಿದ್ದಾಗ ತಟ್ಟಿದ್ದು,
ಗಾಯಕ್ಕೆ ಮುಲಾಮು ಹಚ್ಚಿದ್ದು, ತಟ್ಟುತ್ತಾ ಮಲಗಿಸಿದ್ದು,
ಸಾಸಿವೆ ಡಬ್ಬದಲ್ಲಿ ಕಾಸನ್ನು ಅಪ್ಪನಿಗೆ ತಿಳಿಯದೆ ಬಚ್ಚಿಟ್ಟಿದ್ದು,
ಕೇಳಿದ ಆಟಸಾಮನು ಕೊಡಿಸಿದ್ದು, ಕೇಳದೆ ತಿಂಡಿ ತಿನಿಸಿದ್ದು,
ಕಡೆಗೆ ಅವಳು ಸತ್ತಿದ್ದು, ಸುಟ್ಟಿದ್ದು..ಹೇಗೆ ಮರೆಯುವುದು??
ಕಾಣದೂರಿಗೆ ಹೇಳದೇ ಪಯಣಿಸಿದಳು
ಏನೂ ಅರಿಯದ ಮಗುವನ್ನು ಬಿಟ್ಟು ಹೋದಳು
ಸೃಷ್ಟಿಯ ಸದೃಶ್ಯ ದಲ್ಲಿ ನಕ್ಷತ್ರದಂತೆ ಹೊಳೆಯುವ ಮನಸ್ಸು ಚಂದ ಮಿಂಚಂತೆ ಸಂಚರಿಸಿ ಕಂದನ ಅಪ್ಪುಗೆ ಯಂತೆ ಮನದೊಳಗೆ ಬೆಸೆದ ಮನಸ್ಸು ಎಂತ ಚೆಂದ ಮಮತೆಯ ಮಡಿಲಲ್ಲಿ ಮುಳುಗಿರುವ ಮನಗಳ ನಡುವೆ ಮೂಡಿತು ಮುಗ್ಧತೆಯ ಹೃದಯ ಸಂಬಂಧ ಸ್ಪಷ್ಟತೆಯ ಬದುಕಿನಲ್ಲಿ ಕಾಲಚಕ್ರದ ಸುರುಳಿಯಲ್ಲಿ ಸೃಷ್ಟಿಯಾಗಿದೆ ಸುಂದರ ಮನಸ್ಸುಗಳ ನಡುವೆ ಬಿಡಿಸಲಾರದ ಅನುಬಂಧ ನಂಬಿಕೆಯ ದೋಣಿಯಲ್ಲಿ ಪ್ರಯಾಣಿಸುವ ಭಾವನೆಗಳು ನೀಡಿವೆ ಮನಕೆ ಮಹದಾನಂದ ಭರವಸೆಯ ಭಾವದಲ್ಲಿ ವಿಶ್ವಾಸದ ಊರಿನಲ್ಲಿ ಮಧು ತುಂಬಿದ ಹೂವು ದುಂಬಿಯಂತೆ ಎರಡು ಹೃದಯಗಳ ಸಂಬಂಧ ಸ್ಥಿರವಾಗಿ ಚಿರವಾಗಿ ಕರುಣೆ ಪ್ರೀತಿ ಸಹನೆಯಲ್ಲಿ ಸದಾ ಹಸಿರಾಗಿರಲಿ ಸುಮಧುರ ಸ್ನೇಹಸಂಬಂಧ ಅನಿರೀಕ್ಷಿತ ಭಾವನೆಗಳ ಬೇಸಿಗೆ ಪ್ರಣತಿಯ ಜ್ಯೋತಿಯಂತೆ ಪ್ರಜ್ವಲಿಸಿ ಮುದ ನೀಡಿದ ಸ್ನೇಹ ಅನುರಾಗದ ಸಂಬಂಧ