ಅದೇನೋ ಕಾತರ ಕಣೇ ನನಗೆ,
ನಿನ್ನ ಕಣ್ಣಲಿ ನನ್ನ ಕಣ್ಣ ಬೆರೆಸಲು.
ಅದೇನೋ ಅವಸರ ನನಗೆ,
ಆದಷ್ಟು ಬೇಗನೆ ನಿನ್ನ ಕಾಣಲು.
ಬರೀ ಕಣ್ಣನೋಟದಿಂದ ನೀನಿಟ್ಟೆ,
ಬಣ್ಣಬಣ್ಣದ ರಂಗವಲ್ಲಿ ನನ್ನೆದೆಯಲಿ
ಆ ಕ್ಷಣದಲ್ಲೇ ನಾ ಸೋತುಬಿಟ್ಟೆ,
ನಾ ಮೌನದಿ ಕರಗಲೇ ನಿನ್ನ ತೋಳಲಿ ?
ನನ್ನ ಕಣ್ಣಿಗೆ ಕಾಣುವುದೆಲ್ಲವ ಮರೆಸಿ,
ನಿನ್ನ ನಗುವ ನೆನಪಿಸುತಿದೆ ಮನಸು.
ಈ ಮನಸಿಗ್ಯಾಕೋ ಹುಚ್ಚು ಹಿಡಿದಿದೆಯೆನಿಸಿ,
ನಾ ಸುಮ್ಮನಾದರೇ, ಹಗಲಲೂ ನಿನ್ನ ಕನಸು.
ಇದು ಪ್ರೀತಿಯೆನ್ನದೇ ಮತ್ತೇನೆಂದು ಹೇಳಲಿ,
ಜಪಿಸುತಿಹೆ ನಿನ್ನ ಹೆಸರನು ಅನುಕ್ಷಣ ಮನಸಲಿ,
ಒಮ್ಮೆ ಕೃಪೆ ತೋರು ಬಾ ಚೆಲುವೆ ನನ್ನಲಿ,
ಕನಸಲೂ ಕನಸಾಗಿ ಉಳಿಯದೇ, ನನಸಾಗಿ ಬಾರೇ.
ನಿನಗೆಂದೆ ಕಾದಿದೆ ಬೆಚ್ಚನೆಯ ಅಪ್ಪುಗೆ, ಕೃಪೆತೋರೆ.,,,,,,,,,,ದೇವು
ಈ ಹೃದಯಕ್ಕೆ ಅಂದೊಮ್ಮೆ
ಬಡಿತದ ಸ್ವರೂಪ ನೀಡಿದೆ
ಉಸಿರು ಸೂಸುವ ಸ್ವರಕ್ಕೆ
ಲಾಲಿಯ ನಾದ ತುಂಬಿದೆ
ನನ್ನೀ ಪುಟ್ಟ ಪುಟ್ಟ ಕನಸಿನ ಕಥೆಗೆ
ನನಸಿನ ಉಡುಗೊರೆ ಹೊತ್ತು ತಂದೆ
ಸಾಗುವ ದಾರಿಯಲ್ಲಿ ಜೊತೆಯಾಗಿ
ನಿನ್ನೀ ಒಲವಿನ ಬಣ್ಣ ನೀಡಿದೆ
ಅಮ್ಮ ಅಮ್ಮ ಅಮ್ಮ
ಎನ್ನ ಪ್ರತಿ ಎದೆ ಬಡಿತವೂ
ಸ್ವರ ನೀನೇ
ಬದುಕಿಸುವ ಕನಸೇ ಕೊನೆಯವರೆಗೂ
ಕೈ ಹಿಡಿದು ನಡೆಸು
ಮಲಗಿರುವ ನಿನ್ನಯ ನಿರೀಕ್ಷೆಯಲ್ಲಿ
ತೂತು ಬಿದ್ದ ನಕ್ಷತ್ರಗಳ ವರ್ಣಸುತ
ಬಡ ಭಾವನೆಗಳ ಪೋಣಿಸುತ್ತಾ
ಮೌನದ ಕತ್ತಿಯಲ್ಲಿ
ಚುಚ್ಚಿ ಚುಚ್ಚಿ ಕೊಲ್ಲದಿರು
ಮಾತಿನ ಬಂದೂಕಿಗೆ ಎದೆಯೊಡ್ಡಿ
ನಿಂತಿರುವೆ ಗುರಿಯಿಡು ಹೃದಯದ
ಬಂಡೆಗೆ ಛಿದ್ರವಾಗಲಿ...........
ನಿನ್ನ ಜೊತೆ ಕುಣಿಯೋ ಆಸೆ ,
ಆದ್ರೆ ನನಗೆ ಕುಣಿಯೋದಿಕ್ಕೆ ಬರೋಲ್ಲ
ಎಂಬುದೇ ನಿರಾಸೆ ,....
ನಿನ್ನ ಅಪ್ಪಿಕೊಂಡು ಮುದ್ದಾಡೋ ಆಸೆ ,
ಆದ್ರೆ ನನ್ನ ಸತಾಯಿಸಿ
ಮಾಡ್ತಿಯಲ್ಲೇ ನಿರಾಸೆ ......
ನೀ ಮಾಡೋ ಬಿರಿಯಾನಿ ತಿನ್ನುವ ಆಸೆ
ಆದರೆ ನಿನಗೆ ಮ್ಯಾಗಿ ಬಿಟ್ಟರೆ ಬೇರೆ
ಏನು ಮಾಡೋಕೆ ಬರಲ್ಲ
ಅನ್ನೋದೇ ನಿರಾಸೆ ....
ನಿನ್ನ ಜೊತೆಗೂಡಿ ಬಾಳೋ ಆಸೆ ,
ಆದರೆ
ನಾ ಇಲ್ಲಿಯವರೆಗೂ ಕಂಡಿದ್ದು ಕನಸು ಎಂಬುದೇ ನಿರಾಸೆ .....