ಆ ಬೆಳದಿಂಗಳ ಪಸರಿಸುತ್ತಿದೆ, ನಿನ್ನ ರೂಪಸಿಯ
ಪ್ರತಿಬಿಂಬ ನನ್ನಂತಿದೆಯೆಂದು
ಆಕಾಶದ ನಕ್ಷತ್ರಗಳು ಕಣ್ಸನ್ನೆ ಮಾಡುತ್ತೀವೆ, ನಿನ್ನ
ಅಪ್ಸರೆಯ ಕಣ್ಣುಗಳು ನಮ್ಮಂತತಿವೆಂದು
ಮೇಘಗಳು ಸಾಲಾಗಿ ಅನುರಣನ ಮಾಡುತ್ತಿವೆ
ನಿನೆಷ್ಟು ಆಕರ್ಷಕಳೆಂದು.....
ಸೊಂಪಾದ ಗಾಳಿಯು ತಂದಿವೆ ನಿನ್ನ
ಹೃದಯಮಿಡಿತದ ನಾದವನ್ನು
ನನ್ನಮನ ಮಿಡಿದಿದೆ ಕನಸಿನ ಯುವರಾಣಿಯನ್ನು
ನೋಡಲೆಂದು......
ಅವಳ ಹೆಜ್ಜೆಯೊಂದಿಗೆ ಹೆಜ್ಜೆಯನ್ನು ಹಾಕುವ ಆಸೆ
ಕಾಡುತ್ತಿದೆ ನನ್ನ ಮನದಲ್ಲಿಂದು.....
ಬಯಸುತಿದೆ ನನ್ನ ಮನ ಅವಳೊಂದಿಗೆ
ಯಾವಾಗಲೂ ಜೊತೆಗಿರಲೆಂದು....
Written by :- M S ಯಾದವ್.
ಓ ದೇವರೆ... !
ನನ್ನದೊಂದು ಮೊರೆ
ಅಹಂಕಾರದಿ ನಿನ್ನನೇ ಮರೆತ
ಸ್ವಾರ್ಥ, ಸ್ವಾಭಿಮಾನ
ಪ್ರತಿಷ್ಠೆಯಿಂದ ತುಂಬಿ ತುಳುಕುತ
ಮೆರೆಯುತ್ತಿದ್ದ ಈ ಮಾನವನನ್ನು
ಕೊನೆಗೂ ಏಕೆ ಕ್ಷಮಿಸಿದ್ದೀಯಾ?
ನೀ ಮನಸು ಮಾಡಿದರೆ
ಏನೆಲ್ಲಾ ಮಾಡಬಹುದು... !
ಇಡೀ ಭ್ರಹ್ಮಾಂಡವನ್ನೇ ಮಾಡಬಹುದು ಸೂರೆ
ಆದರೂ...
ನೀ ನೀಡಿರುವೆ ನಮಗೆಲ್ಲಾ ಆಸರೆ.