ಗ್ರಹಚಾರ....
ಯಾವ ಜನ್ಮದ ಪಾಪದ ಫಲವೋ
ಈ ಜನ್ಮದಲಿ ಅನುಭವಿಸುತ್ತಿರುವೆ
ಎಲ್ಲಾ ಇದ್ದೂ ಇಲ್ಲದವನಂತೆ
ಹೀನ ಬದುಕ ಬದುಕುತ್ತಿರುವೆ
ಜನ್ಮ ನೀಡಿದವರು ನನ್ನಿಂದ ದೂರಾಗುವಂತೆ
ನೀ ಮಾಡಿರುವೆ
ನಿನ್ನ ಲೆಕ್ಕಾಚಾರ ಯಾರಿಗೂ ತಿಳಿಯದಂತೆ
ಅದು ನಿನ್ನ ಗ್ರಹಚಾರ ಎಂದು ತಿಳಿ ಹೇಳಿರುವೆ
ಪ್ರೇಮ ಸಾಗರದಲಿ ( ) ಪ್ರೇಮ ಸಾಗರದಲಿ ಕೊಚ್ಚಿ ಹೋದವನು ನಾ ನಿನ್ನದೇ ಸಂತೆಯಲಿ ನನ್ನ ಮರೆತವನು ನಾ ಕೈ ಕೊಡುವ ಮುನ್ನ ಒಮ್ಮೆ ಹೇಳೆ ಚಿನ್ನ, ಕಣ್ಮುಚ್ಚಿದರೂ ಅಳಿಸದಂತೆ ಕಣ್ತುಂಬಿಸಿಕೊಳ್ಳುವೆ ನಿನ್ನ....
ಮುಸಂಜೆ ಹೊತ್ತಲ್ಲಿ
ಸೂರ್ಯ ಮುಳುಗುವ ಸಮಯದಲ್ಲಿ
ಕುಳಿತಿದ್ದೆ ಊರ ಮುಂದಿನ ಕೆರೆಯ ಕಟ್ಟೆಯಮೆಲೆ ನಿನ್ನ ಬಿಂಬವು ನೀರಿನಲ್ಲಿ
ಕಂಡಾಗ ಹಾರಿದೆ ನೀರಿನಲ್ಲಿ ಆಗ ತಿಳಿಯಿತು ನಾ ಕಂಡದ್ದು ಹಗಲು ಕನಸೆಂದು ಯಾಕೆ ಕಾಡುವೆ ಎಡೆಬಿಡದೆ ಒ ನನ್ನ ಮುದ್ದು ಚಲುವೆ
ಕಡಲ ಒಡಲೊಳಗೆ ಚಿಪ್ಪೊಡದ ಮುತ್ತಿನಂತೆ, ನನ್ನ ಎದೆಯ ಕಡಲಲ್ಲಿ ನೀ ಮುತ್ತಾದೆ.
ಕನಸ್ಸಿನಲ್ಲೂ ನನ್ನ ಮನವು ಪ್ರತಿ ಕ್ಷಣವು ನಿನ್ನನ್ನೇ ಜಪಿಸುತ್ತಿದೆ..!
ನನ್ನ ಎದೆಯ ತುಂಬಾ ನಿನ್ನ ಭಾವ ಚಿತ್ರ ಬಿಡಿಸಿ,
ಮುಗಿಲನ್ನೇ ತಂದು ನೀಡಿ, ಮುದ್ದು ಮುದ್ದಾಗಿ ಮುತ್ತಿಡುವಾಸೆ,
ರಂಗು ರಂಗಿನ ಕಾಮನಬಿಲ್ಲನ್ನು ಉಡುಗೊರೆಯಾಗಿ ನೀಡುವಾಸೆ,
ನಿನ್ನ ಕೈ ಹಿಡದು ಅನುಗಾಲ ಕೂಡಿ ಬಾಳುವಾಸೆ,
ಬಾನಿನ ಎತ್ತರಕ್ಕೂ ಕೈಚಾಚಿ ಹೇಳುವಾಸೆ.