ಹಾಗೊಮ್ಮೆ ಹೀಗೊಮ್ಮೆ ನೆನಪಿನಂತೆ ನನ್ನನೊಮ್ಮೆ ನೋಡಿ ಹೋಗುವೆ ಆಯಾಸವಾಗುವುದಿಲ್ಲವೇನೋ ಹುಡುಗ ನಿನಗೆ! ಬಿಗಿದ ತುಟಿಗಳ ಸಡಲಿಸಿ ಚೇಷ್ಟೆ ಮಾಡಿ ನಗಿಸುವೆ ಸುತ್ತಲಿರುವ ಗೆಳತಿಯರಿಗೆ ಏನೆಂದು ಹೇಳಲಿ ಮಾಯಾವಿ ನೀನು ಮನಸಲ್ಲೇ ಇರುವಾಗ.
ಜಾರು ಯವ್ವನ ಜೀಕಿದ ಜೋಕಾಲಿ ನೀನು ತುಸುವೇ ತಂಪಾಗಿ ಮಲಗುವೆ ಕಮ್ಮನೆಯ ಕನಸಾಗಿ ಕಣ್ಸೇರು ನಿದುರೆಯಲ್ಲೇ ನಿನ್ನವಳಾಗುವೆ ಹಗಲು ಮೂಡವ ಮುನ್ನ ಮಗುವಾಗಿ.
ಸಾವಿರಾರು ಮಾತುಗಳಿವೆ ಹುಡುಗ ಮನಸಲ್ಲಿ ಕೇಳಲು ಸಮಯವೇ ಇಲ್ಲ ನಿನ್ನಲ್ಲಿ ಒಂದೆರಡು ಸಾಲು ಹಾಗೆ ಗೀಚುವೆ ತುಟಿಯಂಚಿನ ನಗುವಿನೊಂದಿಗೆ ಓದಿಬಿಡು ಬಿಡುವು ಮಾಡಿಕೊಂಡು ನಿನ್ನ ಎದೆಗಪ್ಪಿಕೊಂಡಿದ್ದ ಈ ನೀಲಿ ಲೇಖನಿ ಜನ್ಮ ಸಾರ್ಥಕವಾದರೂ ಆಗಲಿ ನಾ ಕದ್ದ ಪುಣ್ಯಕೆ.
ಅಕ್ಷರಗಳು ಮೇಲು ಕೀಳು ಆಗಿರಬಹುದು ಕ್ಷಮಿಸಿಬಿಡು ಹುಡುಗ ತಡವರಿಸಿ ಬಂದ ಭಾವಗಳಿಗೆ ನಿನ್ನ ಪರಿಚಯ ಮಾಡುವಲ್ಲಿ ನಿಮಗ್ನಳಾಗಿದ್ದೆ ನಾನು. ಪ್ರೇಮದ ಪರಿಯು ಹೊಸತೇನಿಸಬಹುದು ಆದರೆ ನಮ್ಮ ಪ್ರೀತಿ ಹಳೆಯದಲ್ಲವೇ ಹುಡುಗ ಆ ಬಾನಿನಿಂದೆ ಅಡಗಿರುವ ಚುಕ್ಕಿಗಳ ಆಯಸ್ಸಿನಷ್ಟು.
ಪ್ರೀತಿಸಲು
ನೂರಾರು ಮಾತುಗಳು ಬೇಕು
ದೂರಾಗಲು ಒಂದೇ ಮಾತು ಸಾಕು
ಪ್ರೀತಿಸುವಾಗ ಮಾತುಗಳೆ ಮುತ್ತಾಗುವುದು
ದೂರವಾದರೆ ಮಾತುಗಳೆ ಮುಳ್ಳಗುವುದು
ನೂರಾರು ಕನಸುಗಳು ಸಾವಿರರು ಆಸೆಗಳಿದ್ದರು
ಮೂಕನಾಗಿರುವೆ ಕೊಟ್ಟ ಮಾತು ಇಟ್ಟ ನಂಬಿಕೆ
ಸುಳ್ಳಗಾದಿರಲ್ಲಿ ಎಂದು ಈ ನನ್ನ ಪ್ರೀತಿಯಲ್ಲಿ
ಮನದಲ್ಲಿರುವ ಅಂಜಿಕೆಯನು ಹಿಮ್ಮೆಟ್ಟಿನಿಲ್ಲುವ ಸಮಯವಿದು..
ಛಲದಿಂದ ಸಾಧಿಸುವ ದಾರಿಯಿದು..
ಮನಸ್ಸಲ್ಲಿ ಗುರಿಯಿರಲಿ..
ಕಣ್ಣಲ್ಲಿ ನಂಬಿಕೆ ಇರಲಿ..
ದೃಷ್ಟಿಗಿಂತ ದೃಷ್ಟಿ ಕೋನ ಸರಿಯಾಗಿರಲಿ..
ಎಲ್ಲರೂ ನಮ್ಮವರೆಂಬ ಭಾವನೆಯಿರಲಿ..
ಎಲ್ಲಾ ಒಳ್ಳೆಯದಾಗುವುದೆಂಬ ವಿಶ್ವಾಸವಿರಲಿ..
ಬಿಡಬೇಡ ಪ್ರಯತ್ನವ ಎಂದಿಗೂ..
ನೆರವಾಗುವುದು ಇವೆಲ್ಲಾ ನಿನ್ನ ಗುರಿ ಸೇರಲು..
ದೇವರ ಮೇಲೆ ಭಕ್ತಿ ಇರಲಿ..
ಬಾಳು ಬಂಗಾರವಾಗುವುದು..
@ಮೇಘ ಗಣೇಶ್