Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಅಂಚೆ ಪೆಟ್ಟಿಗೆ

ಕಾಲ ಕಾಲಕ್ಕೆ ಸುದ್ದಿಯ ಕೊಡುತ್ತಲಿ
ತನ್ನೊಳಗೆ ಒಂದು ರಹಸ್ಯವ ಹೊತ್ತು
ದೂರದ ತಂದೆ ತಾಯಿಗೆ ನೆನಪಿಸಿದೆ
ಸ್ನೇಹ ಪ್ರೀತಿಯ ಓಲೆಯ ಒದಗಿಸಿದೆ

ಹಳ್ಳಿಯ ಜನರಿಗೆ ದೇವರೆ ನೀ ಆಗಿ
ರೈತನ ಜೊತೆಗೆ ನಿನ್ನಯ ಪೂಜಿಸಿ
ಮಳೆ ಚಳಿ ಬಿಸಿಲು ಗಾಳಿಗೆ ಹೆದರದೆ
ಮೈಯ್ಯನು ಒಡ್ಡಿ ಹೆದರದೆ ನಿಂತೆ

ಜನನ ಹಬ್ಬ ಹರಿದಿನಗಳ ತಿಳಿಸುತ್ತಾ
ಕಥೆ ಕವನ ಪುಸ್ತಕಗಳ ಒದಗಿಸುತ್ತಾ
ಪತ್ರಿಕೆ ಕಾಂಚಾಣ ಜನರಿಗೆ ನೀಡುತ್ತಾ
ಜಗದಲಿ ನೀನೆ ಮಹಾನಾಯಕ ನಾದೆ

ವೃದ್ದರಿಗೆಲ್ಲ ಪಿಂಚಣಿ ಒದಗಿಸುತ್ತಾ
ಅಂಗವಿಕಲರಿಗೆ ಜೀವನ ನೀಡುತ್ತಾ
ವಿಧವೆಯರ ಬಾಳಿಗೆ ದೀಪವು ಆದೆ
ಆಶಾಜ್ಯೋತಿ ಯೆ ಆಗಿರುವೆ ನೀನು

ಕೇಸರಿ ಇಂದಾ ಕೆಂಪಾಗಿರುವೆ ನೀನು
ಕಾಲನ ಹೊಡೆತಕ್ಕೆ ಮಂಕಾಗಿರುವೆ
ಮತ್ತೆ ಪುಟಿದೇಳು ಮೊದಲಿನ ಹಾಗೆ
ಅಂಚೆ ಪೆಟ್ಟಿಗೆ ಜನ ನೆನೆವರು ನಿನ್ನ

ಕಲ್ಮೇಶ ಬಡಿಗೇರ
೯೭೪೩೫೩೯೬೫೭
.......ಬಾದಾಮಿ.......

- Kalmesh Badiger

04 Dec 2020, 05:27 pm

ಹಳ್ಳಿ ಹಬ್ಬ

ಇದು ಏನು ದೇವರು
ಇದು ಎಂತಾ ದೇವರು
ಹಣ್ಣು ಕಾಯಿ
ಮುರಿದು ಹೊಡೆದು
ಕೊಟ್ಟರು ತಿನ್ನದ
ಮೂಸಿ ನೋಡದ ದೇವರು
ಕುರಿ ಕೋಳಿ ಹಂದಿ
ಎಮ್ಮೆಯ ಬಲಿ ಕೊಟ್ಟರೆ
ಕುಡಿದು ತಿನ್ನುವುದೇ
ಕುರಿ ಕೋಳಿ ಹಂದಿ
ಎಮ್ಮೆಯ ಮಾಂಸರಕ್ತ
ಕೂಗಿ ಗೋಗರೆದು
ಬೆಂಕಿ ಕೆಂಡವಾ
ತುಳಿದು ನೆಡೆದರು
ಗುಡಿಯ ಸುತ್ತ
ಬಿದ್ದು ಹೊರಳಾಡಿ
ತಲೆ ಚಚ್ಚಿ ಬೇಡಿದರು
ಬಾರದ ದೇವರು
ತಮಟೆ ಪೀಪಿ ಸದ್ದಿಗೆ
ವಾಲಾಡಿ ತೇಲಾಡಿ
ಕುಣಿದು ಕುಪ್ಪಳಿಸಿ
ಬೊಬ್ಬೆ ಹೊಡೆದು
ಕೇಕೆ ಹಾಕಿ ಬರುವುದು
ಜನರ ಮೈ ಮೇಲೆ
ಇದು ಏನು ದೇವರು
ಇದು ಎಂತಾ ದೇವರು
ರಾಜು ಹಾಸನ

- ರಾಜು ಹಾಸನ

03 Dec 2020, 11:35 pm

ಎಲ್ಲಿದೆ ಸ್ವರ್ಗ.....

ಎಲ್ಲಿದೆ ಸ್ವರ್ಗ.......
ಎಲ್ಲಿದೆ ಸ್ವರ್ಗ ಎಂಬುದು ನಿಗೂಢ
ಈ ಪರಿಕಲ್ಪನೆಯೇ ಒಂದು ಪವಾಡ
ಪುರಾವೆ ಇಲ್ಲದ ಸಮಾಚಾರ
ಕಲ್ಪನೆಗೂ ಮೀರಿದ ವಿಚಾರ

ನನಗನಿಸುವ ಪ್ರಕಾರ
ಸ್ವರ್ಗವು ಇರುವುದು
ಈ ಸುಂದರ ಜಗದಲ್ಲಿ
ರಮ್ಯ ಮನೋಹರ ಪ್ರಕೃತಿಯಲ್ಲಿ

ಕಾಣದ ಅಪ್ಸರೆಯರ
ಹುಡುಕುವ ಬದಲು
ನಾವೇ ಅಪ್ಸರೆಯರು
ಆಗಲು ಬಹುದು

ಕಾಮ ಕ್ರೋಧಗಳ ಬಿಟ್ಟರೆ ನಾವು
ದೇವರುಗಳು ನಾವೇ ಆಗುವೆವು
ಸನ್ಮಾರ್ಗದಲಿ ನಡೆದರೆ ನಾವು
ನೀರೂ ಅಮೃತವಾಗುವುದು

ಸ್ವರ್ಗವು ಬೇರೆ ಎಲ್ಲೂ ಇಲ್ಲ
ಈ ಧರೆಯಲ್ಲಿಯೇ ಇರುವುದು
ಸ್ವರ್ಗವ ಸೃಷ್ಠಿಯುವವರು ನಾವೇ
ಅಲ್ಲಿರಲು ಇಚ್ಚಿಸುವವರೂ ನಾವೇ

ಸೃಷ್ಟಿಸುತಾ ಸ್ವರ್ಗವ ಈ ಧರೆಯಲ್ಲಿ
ಬಾಳುವ ನಾವು ಸಂತಸದಲ್ಲಿ
ಮಾನವ ಜೀವನ ಪವಿತ್ರವಾದದು
ಮರೆಯಬಾರದು ನಾವು ಇದನು

ಸಮುಖ

- sabitha

03 Dec 2020, 02:55 pm

ನೆನಪಿರಲಿ

ಬರಬೇಡಿ ಬರಬೇಡಿ
ಸಂವಿಧಾನದ ತಂಟೆ
ಸುದ್ದಿಗೆ ಬರಬೇಡಿ
ಕೆಣಕಬೇಡಿ ಕೆಣಕಬೇಡಿ
ಮಾದ ಗಜಗಳ ಕೆಣಕಿ
ಧೂಳಿಪಟವಾಗಬೇಡಿ
ಸುಮ್ಮ್ ಸುಮ್ಮನೆ
ಕಾಲು ಕೆರೆದು ಬಂದರೆ
ಬಡಿದಪ್ಪಳಿಸುವುದು
ಮಾದ ಗಜಗಳ ಬರಸಿಡಿಲು
ಎಚ್ಚರ ಎಚ್ಚರವಿರಲಿ
ಸಂವಿಧಾನ ಮುಟ್ಟುವ
ಮನುವಾದಿಗಳಿಗೆ
ಸಿಂಹ ಸ್ವಪ್ನದ ಭಯವಿರಲಿ
ಭೀಮ ಘರ್ಜನೆಯ
ನೆನಪಿರಲಿ ನೆನಪಿರಲಿ
*ರಾಜು ಹಾಸನ

- ರಾಜು ಹಾಸನ

03 Dec 2020, 01:35 pm

ಧರ್ಮ ಗ್ರಂಥ

ದ್ವೇಷ ಅಸೂಯೆ
ಮಾದ ಮತ್ಸರ ತಾರತಮ್ಯ
ಅಧರ್ಮ ಅನ್ಯಾಯವೇ
ತುಂಬಿ ತುಳುಕುವ
ಕಟ್ಟು ಕಥೆಗಳ
ಚಿತ್ರ ವಿಚಿತ್ರವಾದ
ಪುಂಗಿ ಪುರಾಣಗಳೇ
ಮನುವಾದಿಗಳ
ಜಾತಿ ಧರ್ಮದ
ಗ್ರಂಥಗಳದರೆ

ಸ್ನೇಹ ಪ್ರೀತಿ ವಾತ್ಸಲ್ಯ
ಮಮತೆ ಸಮಾನತೆ
ನ್ಯಾಯ ನೀತಿ
ಧರ್ಮ ಪಾಠ ಕಲಿಸಿ
ಅನ್ಯಾಯ ಮೆಟ್ಟಿ
ನಿಂತು ಧೈರ್ಯದ
ಕಿಡಿ ಹೊತ್ತಿಸಿ
ಜ್ಞಾನ ದಿವ್ಯಜ್ಯೋತಿ
ಬೆಳಕು ಚೆಲ್ಲಿ
ಸ್ತ್ರೀ ಶೋಷಿತರ
ಬಡವ ಬಲ್ಲಿದರ
ರಕ್ಷಿಸಿದ ರಕ್ಷ ಕವಚ
ವಿಶ್ವದ ಏಕೈಕ ಗ್ರಂಥ
ಮಾನವ ಧರ್ಮ ಗ್ರಂಥ
ಬಾಬಾಸಾಹೇಬರು
ರಚಿಸಿದ ನಮ್ಮ ನಿಮ್ಮೆಲ್ಲರ
ಹೆಮ್ಮೆಯ ಧರ್ಮ ಗ್ರಂಥ
ಭಾರತದ ಸಂವಿಧಾನ

- ರಾಜು ಹಾಸನ

03 Dec 2020, 12:52 pm

ಪಾನಿಪುರಿ.......

ಪಾನಿಪುರಿ

ರಸ್ತೆಬದಿಯ ಪಾನಿಪುರಿ
ಎಲ್ಲರಿಗೂ ಅಚ್ಚುಮೆಚ್ಚು
ಕೈಗೆಟುಕುವ ಬೆಲೆಯಲ್ಲಿ
ಸವಿಯುವೆವು ಖುಷಿಯಲ್ಲಿ

ಮೇಲುಕೀಳೆಂಬ ಭೇದವಿಲ್ಲ
ಜಾತಿಮತಗಳ ಅಂತರವಿಲ್ಲ
ಶ್ರೀಮಂತರೂ ಬರುವರು
ಪಾನಿಪುರಿಯ ಸವಿಯಲು

ಬಾಯ ಚಪಲ ತೀರಿಸಲು
ನಿಂತುಕೊಂಡೆ ತಿನ್ನುವರು
ಮೂಗಿನಿಂದ ನೀರು ಸುರಿಸಿ
ಚಪ್ಪರಿಸುತ ನೀರು ಕುಡಿವರು

ಫೈವ್ಸ್ಟಾರ್ ಹೋಟೆಲ್ ಇರಲಿ
ತ್ರೀಸ್ಟಾರ್ ಹೋಟೆಲ್ ಇರಲಿ
ತಾಜ್ ಹೋಟೆಲೇ ಆಗಿರಲಿ
ಇಂತಹ ಸ್ವಾದಿಷ್ಟ ಸಿಗದು ನೋಡ

ಎಲ್ಲ ಅಂತರಗಳ ಮರೆಸಿ
ಭೇದ ಬಾವಗಳ ಅಳಿಸಿ
ಒಂದುಗೂಡಿ ಸ್ವಾದಿಸುವ
ಏಕೈಕ ಭಕ್ಷ್ಯ ನಮ್ಮ ಪಾನಿಪುರಿ

ಸಮುಖ

- sabitha

03 Dec 2020, 12:14 pm

ನನ್ನಾಸೆ.....

ನನ್ನಾಸೆ......
ಬಾನಿನಲಿ ಚುಕ್ಕಿಯಾಗುವ ಆಸೆ
ಬೆಳದಿಂಗಳ ಬಾಲೆಯಾಗುವ ಆಸೆ
ಹರಿಯುವ ನದಿಯಾಗುವ ಆಸೆ
ಬಾನಾಡಿಗಳ ಕಲರವ ಕೇಳುವಾಸೆ

ಶರಧಿಯೊಳು ಮುತ್ತಾಗುವ ಆಸೆ
ಕಾನನದಿ ಜಿಂಕೆಯಾಗುವ ಆಸೆ
ಕನಸಲ್ಲಿ ಅಪ್ಸರೆಯಾಗುವ ಆಸೆ ಕೊಳದಲ್ಲಿನ ನೈದಿಲೆಯಾಗುವಾಸೆ

ಭುವಿಯಲ್ಲಿ ದೇವತೆಯಾಗುವ ಆಸೆ
ಹೂವಿನ ಮಕರಂದವ ಹೀರುವಾಸೆ
ಮುಗ್ದ ಮನಸಿನ ಮಗುವಾಗುವಾಸೆ
ಆಗಸದಿ ಚಿತ್ತಾರ ಬಿಡಿಸುವ ಆಸೆ

ಆಸೆಗಳಿಗೆ ಕೊನೆಯಿಲ್ಲ
ಆಸೆಗಳಿಗೆ ಮಿತಿಯಿಲ್ಲ
ಆಸೆಗಳಿರಬೇಕು
ಬದುಕು ಬಂಗಾರವಾಗಬೇಕು

- sabitha

02 Dec 2020, 10:15 pm

ಸಹವಾಸ

ಪುಟಗಳಲ್ಲಿ ಬರೆದಿರುವೆ ಇತಿಹಾಸ
ಆ ಪುಟಗಳೆಲ್ಲ ನಿನಗಾಗಿ ಮಾಡಿರುವೇ ಸಾಹಸ

ಎಷ್ಟೋ ಹೋತ್ತುಗಳು ಕಳೆದವು ಉಪವಾಸ,
ಎಷ್ಟೋ ವರ್ಷಗಳು ಉರುಳಿದವು ವನವಾಸ

ಬಿಟ್ಟೆ ಎಲ್ಲಾ ಸ್ನೇಹಿತರ ಸಹವಾಸ,
ದಾರಿಯುದ್ದಕ್ಕೂ ಬರಿ ಅಲೆಮಾರಿ ವಾಸ

ಆಸೆ ಎಂಬ ಬುತ್ತಿಯಲ್ಲಿ ಕಟ್ಟಿರುವೆ ನೂರಾರು ಕನಸ,
ಆದರು ಅಂಕೆ ಶಂಕೆಯಲ್ಲಿ ಇಡಲಾಗುತ್ತಿಲ್ಲ ಮನಸ್ಸ

ಸದಾ ನಾ ನಿನ್ನ ಧ್ಯಾನಿಸುವ ದಾಸ,
ನಿನ್ನ ಸ್ಮರಿಸಿದ ಕೂಡಲೇ ಮನಸ್ಸಿಗೆ ಬಹಳ ಸಂತಸ

ಹೇಗೆ ಬಣ್ಣಿಸಲಿ ಆ ನಿನ್ನ ಚಿತ್ತಾರ,ಆಕಾರ ಸೊಗಸ,
ಕಂಡ ಕ್ಷಣವೇ ನಿನ್ನ ಏನೊ ಒಂತಾರ ಉಲ್ಲಾಸ

ಕನಸ್ಸಿನಲ್ಲೂ ಕಾಣುವೆ ನಿನ್ನ ಜೊತೆ ಸರಸ,
ನೀನು ದೂರವಗೊ ರೀತಿ ನೆನೆದರೆ ಬುಗಿಲೆಳುವುದು ದ್ವೇಷ

ನಿನ್ನ ನೆನಪುಗಳೇ ನಿತ್ಯ ನೀಡುವುದು ಮಂದಹಾಸ,
ಆ ಮಂದಹಾಸದಿ ಮರೆಯಾಗಿರುವುದು ಆಕಾಸ

ಹೇಳಿ ಕೇಳಿ ನಾನೋಬ್ಬ ಕಂಸ,
ಈ ಕಂಸನಲ್ಲೂ ನೀನು ಸೃಷ್ಟಿಸಿರುವೆ ವಿರಸ

ನಮ್ಮಿಬ್ಬರ ಬಂಧವು ಗೋಪುರ ಕಳಸ,
ಯಾರು ಮಾಡಲಾಗುವುದಿಲ್ಲ ದ್ವಂಸ

ಮಾಡಲು ಬಯಸದಿರು ನನಗೆ ನೀನು ಮೋಸ,
ಇತಿಹಾಸದ ಪುಟಗಳಲ್ಲಿ ನಾನೆ ನಿನ್ನ ಅರಸ!

- Shivakumara S

02 Dec 2020, 09:53 pm

ಆಗದು!

ಆಗದು!
ಕುಂಕುಮವಿಲ್ಲದ ಹಣೆಯ
ಬಳೆಗಳಿಲ್ಲದ ಕೈಯ
ಹೂವಿಲ್ಲದ ಮುಡಿಯ
ಎಂದೂ ನೋಡಲಾಗದು

ಉಪ್ಪಿಲ್ಲದ ಅಡುಗೆಯ
ಪ್ರೀತಿಯಿಲ್ಲದ ಮಡದಿಯ
ಎಲೆ ಇಲ್ಲದ ಅಡಿಕೆಯ
ಎಂದೂ ಸ್ವೀಕರಿಸಲಾಗದು

ರುಚಿಯಿಲ್ಲದ ಹಣ್ಣನು
ಸತ್ವಯಿಲ್ಲದ ಮಣ್ಣನು
ಗುಣವಿಲ್ಲದ ಹೆಣ್ಣನು
ಎಂದೂ ಪಡೆಯಲಾಗದು

ದೇವರಿಲ್ಲದ ಗುಡಿಯನು
ಮಕ್ಕಳಿಲ್ಲದ ಮನೆಯನು
ತಾಯಿಯಿಲ್ಲದ ತವರನು
ಎಂದೂ ನೋಡಲಾಗದು

ಸಮುಖ

- sabitha

02 Dec 2020, 09:32 pm

ನನ್ನ ಗೆಳೆಯ ನನ್ನ ಗೆಳೆಯ

ನನ್ನ ಗೆಳಯ‌ ನನ್ನ ಗೆಳೆಯ
ನೀ ಯಾಕೆ ಹಿಂಗದೆ
ಪ್ರೀತಿ ಪ್ರೇಮವ ಮಾಡಿ
ದೂರವಾದೆ ನಮ್ಮಿಂದ
ಪ್ರೀತಿ ಪ್ರೇಮದ ಚಿಟ್ಟೆ
ನೀ ಹಿಡಿಯಲು ಹೋಗಿ
ಕೈ ಕಾಲು ಮುರಿದು ಬಿದ್ದೆ
ಪ್ರೀತಿ ಪ್ರೇಮದ ಚಿಟ್ಟೆ
ಹಾರಿ ಹೋಯಿತು ನಿನ್ನ ಬಿಟ್ಟು
ನಿನ್ನೆದೆಯೊಳಗಿನ ನಿನ್ನೂಸಿರಿನ
ಚಿಟ್ಟೆ ಬಿಟ್ಟು ಹಾರಿ
ಹೋಗುವ ಮುನ್ನ
ಮರಳಿ ಬಂದು ಸೇರಿಕೋ
ನಿನ್ನ ಒಲವಿನ ಗೂಡು

ನನ್ನ ಗೆಳಯ‌ ನನ್ನ ಗೆಳೆಯ
ನೀ ಯಾಕೆ ಹಿಂಗದೆ
ಪ್ರೀತಿ ಪ್ರೇಮವ ಮಾಡಿ
ದೂರವಾದೆ ನಮ್ಮಿಂದ
ನಿನ್ನ ಪ್ರೀತಿ ಪ್ರೇಮದ ಚಿಟ್ಟೆ
ಖುಷಿಯಾಗಿರುವುದು
ಪಂಜರದ ಗಿಣಿಯಾಗಿ
ನೀ ನಗು ನಗುತ್ತಾ ಬಾಳು
ನಿನ್ನವಳ ಪ್ರೀತಿಗೆ
ನೀ ಮುಳುವಾಗದೆ

ನನ್ನ ಗೆಳಯ‌ ನನ್ನ ಗೆಳೆಯ
ನೀ ಯಾಕೆ ಹಿಂಗದೆ
ಪ್ರೀತಿ ಪ್ರೇಮವ ಮಾಡಿ
ದೂರವಾದೆ ನಮ್ಮಿಂದ
ನಿನ್ನ ಪ್ರೀತಿ ಪ್ರೇಮದ
ಮಾಯಾ ಜಿಂಕೆ ಕುಣಿ
ಕುಣಿದಾಡುತ್ತಿದೆ
ನಿನ್ನ ನೆನಪು ಮರೆತು
ನೀ ಮರುಗದೆ ಕೊರಗದೆ
ನೀ ವನದ ನವಿಲಿನಂತೆ
ಗರಿ ಬಿಚ್ಚಿ ನಲಿ ನಲಿದಾಡು
ನಿನ್ನ ಮನದ ನೋವು ಮರೆತು

ನನ್ನ ಗೆಳಯ‌ ನನ್ನ ಗೆಳೆಯ
ನೀ ಯಾಕೆ ಹಿಂಗದೆ
ಪ್ರೀತಿ ಪ್ರೇಮವ ಮಾಡಿ
ದೂರವಾದೆ ನಮ್ಮಿಂದ
ನಿನ್ನ ಪ್ರೀತಿ ಪ್ರೇಮದ
ನಿನ್ನವಳ ಹೃದಯ
ನಿನ್ನಿಂದ ದೂರವಾದರು
ನೀ ಕೊಟ್ಟ ಪ್ರೀತಿ ಪ್ರೇಮವ
ಮುತ್ತು ಮರೆತು
ಬದುಕದು ನಿನ್ನವಳ ಜೀವಾ
ನಿನ್ನೆದೆಯ ನಿನ್ನೊಲವಿನ
ಸೊಜಿಗದ ಸೂಜಿ ಮಲ್ಲಿಗೆ
ದುಂಡು ಮಲ್ಲಿಗೆ
ಮುದುಡಿ ಬಾಡಿ ಹೋಗದಿರಲಿ
ನಗು ನಗುತಾ ಬದುಕಿ
ಬಾಳಲಿ ನಿನ್ನೊಲುಮೆ ಹೂವು

ನನ್ನ ಗೆಳಯ‌ ನನ್ನ ಗೆಳೆಯ
ನೀ ಯಾಕೆ ಹಿಂಗದೆ
ಪ್ರೀತಿ ಪ್ರೇಮವ ಮಾಡಿ
ದೂರವಾದೆ ನಮ್ಮಿಂದ
ರಾಜು ಹಾಸನ

- ರಾಜು ಹಾಸನ

02 Dec 2020, 09:18 pm