ಯಾವ ಸ್ಫೂರ್ತಿಯ ಚಿಲುಮೆ
ಅವರ ಎದೆಯಾಳದಲ್ಲಿ
ಜಿನುಗುತಿದೆ ಯೋ ಯಾರು ಬಲ್ಲರು//
ಪ್ರೀತಿ ಮಮತೆ ವಾತ್ಸಲ್ಯ
ಅಂತಃಕರಣದ ಭಾವಸ್ಪರ್ಶ ನೀಡಿ
ತನು ಮನದಿ ಸೇವೆಯಗೈದು
ಪಾಲಿಸಿ ಪೋಷಿಸಿ ಏನನ್ನೂ ನಿರೀಕ್ಷಿಸದೆ
ತನ್ನವರೆಂದು ಬಂಧು ಬಾಂಧವರೆಂದು
ದಣಿವರಿಯದೆ ದುಡಿಯುತಿಹರು ವಯೋವೃದ್ಧರು//
ಕಾಯಕದಲ್ಲಿ ತಲ್ಲೀನತೆ
ಸೇವೆಯಲ್ಲಿ ವಿನಮ್ರತೆ
ಕೊಡುಗೈಯಲ್ಲಿ ಉದಾಹರಣೆ
ನಾನೆಂಬ ಅಹಂಕಾರ ಬಿಟ್ಟು
ನಮ್ಮವರೆಲ್ಲರಿವರೂ ಎಂಬ
ಭಾವದಿ ಬದುಕುತಿಹರು
ಸಂತೃಪ್ತಿಯ ಮೊಗ ಹೊತ್ತು ಈ ವಯೋವೃದ್ಧರು//
ವೈಭವದ ಬದುಕ ಬಿಟ್ಟು
ವಾಸ್ತವದ ನೆಲೆಗಟ್ಟಿನ ಮೇಲೆ
ಭೂತದ ಅನುಭವದ ಬಾರ
ವರ್ತಮಾನದ ನಿರ್ಲಕ್ಷ ಗಳ ನಡುವೆ
ಭವಿಷ್ಯದಾತಂಕಗಳ ದಿನಗಳಲ್ಲಿ
ಬವಣೆ ಬೇಗುದಿಗಳ ನಡುವೆ
ಮುಸ್ಸಂಜೆಯ ದಿನಗಳಲ್ಲಿ
ನಗು ಮೊಗವ ಹೊತ್ತು
ಸಾರ್ಥಕ್ಯದ ಬದುಕು
ಕಳೆಯುತಿಹರುಹ ವಯೋವೃದ್ಧರು//
ಜೀವನವೇ
ಜಿಗುಪ್ಸೆಯಾದರು
ಬದುಕೆ ಬೇಡ
ಎನಿಸಿದರೂ
ಏನೇ ಆದರೂ
ಹೋದರು
ಎಷ್ಟೇ ಇದ್ದರೂ
ಇಲ್ಲದಿದ್ದರೂ
ಯಾರೇ ಬಂದು
ಹೋದರು
ನಿಂತು ನಿಲ್ಲದೆ
ಕುಂತು ಕೂರದೆ
ಓಡುವುದಯ್ಯ
ಬದುಕಿನ ಬಂಡಿ
ಜೀವನ
ಹುಟ್ಟಿನಿಂದ
ಶುರುವಾಗಿ
ನೋವು ನಲಿವಿನ
ಹಾವು ಏಣಿ
ಹತ್ತಿ ಇಳಿದು
ಬಿಟ್ಟು ಬಿಡದ
ನೂರಾರು ಸಾವಿರಾರು
ಸಂಬಂಧಗಳಿದ್ದರು
ಮರೆತು ಮಲಗಬೇಕು
ಮಸಣದ
ಮಂಟಪ ಕಟ್ಟಿಕೊಂಡು
ಒಂದಲ್ಲ
ಒಂದು ದಿವಸ
ಸೇರಬೇಕು
ಮಸಣದ ಗುಂಡಿ
ಇಷ್ಟೇ ನಮ್ಮ ನಿಮ್ಮ
ಜೀವನದ ಆಟ ಪಾಠ
ಪ್ರೀತಿ ಮಾಡಲು ಕನಸೇ ಕಾವಲು.
ಪ್ರೀತಿ ಉಳಿಯಲು ಮನಸೇ ಮೀಸಲು.
ನನ್ನ ಹೃದಯದರಮನೆಗೆ ಒಡತಿಯು ನೀನೆ.
ಸದಾ ನಿನ್ನ ಪ್ರೀತಿ ಬಯಸುವ ಗೆಳೆಯನು ನಾನೆ.
ಕ್ಷಣಕಾಲ ತೆರೆದಿಡುವೆ ನನ್ನ ಎದೆಯನ್ನ.
ನೊಡು ಬಾ ನನ್ನೊಳಗೆ ನಿನ್ನ.
ಅಲ್ಲಲ್ಲಿ ಬಿದ್ದಿರುವುದು ನೀ ಬಿಟ್ಟ ಪ್ರೀತಿಯ ಹೂ ಬಾಣ.
ಕಿತ್ತೊಗೆದು ಅಪ್ಪಿಕೋ ನನ್ನ.
ನಾ ಕಣ್ಮುಚುವ ಮುನ್ನ.
ಹಗಲು ರಾತ್ರಿ ಇಲ್ಲದ
ದಿನಗಳು ಇಲ್ಲ
ಮಾನವರೆ ಇಲ್ಲದ
ನಾಡು ನುಡಿ ಇಲ್ಲ
ಸಂಬಂಧಗಳು ಇಲ್ಲದ
ಸಂಸಾರ ಇಲ್ಲ
ಕನಸುಗಳು ಇಲ್ಲದ
ಮನಸುಗಳು ಇಲ್ಲ
ಪ್ರೀತಿ ಪ್ರೇಮ ಇಲ್ಲದ
ಹೃದಯಗಳು ಇಲ್ಲ
ತಂದೆ ತಾಯಿ ಇಲ್ಲದ
ಪ್ರಪಂಚವೇ ಇಲ್ಲ
ಮತ್ತೆ ಮರುಕಳಿಸಲಾಗದ ಆ ದಿನಗಳು,
ಯಾವುದೇ ಕಲ್ಮಶವೇ ಗೊತ್ತಿಲ್ಲದ ಆ ದಿನಗಳು,
ಸ್ವಲ್ಪ ಮುನಿಸು, ಸ್ವಲ್ಪ ಕೋಪ,
ಜಾಸ್ತಿ ಸಂತೋಷ ವಾಗಿದ್ದ ಆ ಕ್ಷಣಗಳು,
ನೆನಪುಗಳನ್ನಷ್ಟೇ ಉಳಿಸಿ ಮರೆಮಾಚಿ
ಹೋಗಿವೆ ಆ ಬಾಲ್ಯದ ದಿನಗಳು...!
ಸಮಾಜದ ಉಡುಗೊರೆಯಾಗಿ ಜನಿಸಿದ ನೀವು
ಸಾವಿರ ಕಷ್ಟಗಳ ನಡುವೆ ದೃತಿಗೆಡದೆ ಅರಳಿ ಕಂಪಿಸುತ್ತಿರುವ ಚೈತನ್ಯದ ಹೂವು
ನೀವು ನೋವ್ ಇರದಂತೆ ನಟಿಸಿ
ತನ್ನವರ ದುಃಖದಲ್ಲಿ ನಗುವ ಬೇಡುವ ಸ್ವಚ್ಛಂದದ ಮನಸ್ಸು ನಿಮ್ಮದು ಇರುವಾಗ ಬಯಸಿದಂತೆ ಇರುವುದೇ ಜಗವು ನಿಮ್ಮಂತ ಜೀವವ
ನಿಮ್ಮ ಕರ್ತವ್ಯದ ಹಾದಿಯಲ್ಲಿ ಮುಳ್ಳಿನ ಪರದೆಯ ಸರಿಸಿ
ನೈಜತೆಯ ಬೆಳಕಿನಲ್ಲಿ ಭವ್ಯ ಭಾರತದ ಹೆಸರ ಬೆಳಗಿಸುವ ನಿಮ್ಮ ಸಂಕಲ್ಪವ ಹೇಗೆ ಬಣ್ಣಿಸಲಿ ನಾ ಶ್ರಮಭರಿತ ನಿಮ್ಮ ಜೀವನವ
ನಿಮ್ಮ ಹೃದಯದ ಕನಸು ಸಂತಸದಿ ಪುಟಿದೆದ್ದು ಪರಿಶ್ರಮದ ಪತದೊಳಗೆ ಸಹಕರಿಸಿ ಸಂಭ್ರಮಿಸಿ ಸಂಧಿಸಲಿ ನಿಮ್ಮ ಸಾಧನೆಯ ಯಶಸ್ವಿ ಯೊಳಗೆ
ನಿಮ್ಮ ಸರಳತೆಯ ಬದುಕಿನೊಳಗೆ ಮೂಡಬೇಕು ಸದಾ ಮುಗುಳ್ನಗೆ
ನಿಮ್ಮನ್ನು ಸಂತೈಸುವ ಅವಕಾಶ ಬೇಕು ನನಗೆ ಮರೆಯಲ್ಲ ನಾನೆಂದು ಆ ದಿನದ ಗಳಿಗೆ
ಇಂದಿನ ನಿಮ್ಮ ಜನ್ಮದಿನವೂ ಸಾಕ್ಷಿಯಾಗಲಿ ಸರ್ವರು ಹಾರೈಸುವ ಪ್ರಶಂಸೆಯ ಹಿರಿಮೆಗೆ
ಹರ್ಷದಿ ಶುಭ ಕೋರುವ ನಾನು ಆಗ ನನ್ನ ಪ್ರೀತಿಯ ಮನಸ್ಸಿಗೆ ಹುಟ್ಟುಹಬ್ಬದ ಹಾರ್ದಿಕ ಶುಭಾಶಯಗಳೊಂದಿಗೆ