ಕಣ್ಣಾರೆ ನಾ ಕಂಡ ಕನಸು ನನಸಾಗೊ ಮೊದಲೇ ಕನಸಾಗೆ ಕಣ್ ಸೇರಿತು ಹೃದಯದ ಪ್ರೀತಿ ಹೂವಾಗಿ ಅರಳುವ ಮೊದಲೇ ಮೊಗ್ಗಾಗೆ ಹೃದಯ ಸೇರಿತು...... ನನಸಾಗದೆ ಉಳಿದ ಕನಸು ಮುದ್ದಾದ ಹೃದಯ ಸೇರಿದೆ ಮೊಗ್ಗಾಗಿಯೆ ಉಳಿದ ಪ್ರೀತಿ ಕಣ್ಣ ಕಂಬನಿಯಾಗಿ ಹರಿದಿದೆ....... ಅಂದು ನಾ ಕಂಡ ಕನಸು ಇಂದು ಹೃದಯವನು ಕೊಲ್ಲುತಿದೆ ಅಂದು ಫಲಿಸದ ಚೆಂದದ ಪ್ರೀತಿ ಕಣ್ಣ ಕಂಬನಿಯ ಚೆಲ್ಲುತಿದೆ...... ನಾ ಕಂಡ ಪ್ರೀತಿ ಕನಸುಗಳ ಪಯಣ ಕೊನೆಯಾಗುವುದಿಲ್ಲ ಈ ಕ್ಷಣ ನನ್ನ ಹೃದಯ ಬಡಿತ ನಿಂತ ಆ ಕ್ಷಣ ಮಣ್ಣ ಸೇರುವುದು ಪ್ರೀತಿ ಕನಸುಗಳ ಪಯಣ........
ನಮ್ಮನ್ನು ಹಡೆದವಳು ಈ ತಾಯಿ ಜಗತ್ತಿಗೆ ಪರಿಚಯಿಸಿದ ಕರುಣಾಮಯಿ ಮಕ್ಕಳೆಂದರ ಅವಳಿಗೆ ಜೀವ ಮಗುವಿನ ಮುಖ ನೋಡಿ ಮರೆವಳು ನೋವ ... ಒಂಬತ್ತು ತಿಂಗಳು ಗರ್ಭದಲ್ಲಿಟ್ಟು ಸಾಕಿದಳು ಯಾವ ದೇವರಿಗೆನೂ ಕಮ್ಮಿ ಇಲ್ಲ ಇವಳು ಗಂಡ -ಮನೆ -ಮಕ್ಕಳಿಗಾಗಿ ದುಡಿವಳು ಕಷ್ಟಪಟ್ಟು ನಿವಾರಿಸುವಳು ಎಲ್ಲ ಆಪತ್ತು ... ತಾಯಿಯೇ ಮೊದಲ ದೇವರು ಇವಳಿಗೆ ಯಾರಿಲ್ಲ ಸಮಾನರು ಮಗುವಿಗಾಗಿ ಸಾವಿರ ಕನಸ ಕಟ್ಟಿಕೊಳ್ಳುವಳು ಕಷ್ಟ ಬಂದರೂ ಸೋಲಳು ಇವಳು ... ಮಗುವು ಅತ್ತರೆ ತಾನೂ ಅಳುವಳು ಮಗುವಿಗೆ ಪ್ರೀತಿಯಿಂದ ಹಾಲನೆರೆವಳು ತಾಯಿಯೇ ಜಗತ್ತಿನ ಏಕೈಕ ದೇವರು ಮಿಕ್ಕವರೆಲ್ಲ ಇವಳ ಮುಂದೆ ಸೋತರು ... ಮಗುವನ್ನು ಪ್ರೀತಿಯಿಂದ ಬಿಗಿದಪ್ಪುವಳು ಅಕ್ಕರೆಯಿಂದ ಸಿಹಿ ಮುತ್ತ ನೀಡುವಳು ದೇವರ ಬದಲು ತಾಯಿಯ ಸೃಷ್ಟಿ ತಾಯಿಯಿಂದಲೆ ಮಕ್ಕಳಿಗೆ ಪುಷ್ಟಿ ...
ಅಮ್ಮನ ಮಡಿಲಲಿ ಕಂತ್ತೆರೇವ ಮೊದಲೇ
ಭಗವದ್ಗೀತೆಯ ಸಾರವ ಅರಿತು ಬಂದ ಮುದ್ದು ಕುವರ
ಅವ ಸ್ಪಟಿಕದಂತೆ ನುಡಿಯುತ್ತಿದ್ದ
ಭಾರತಾಂಬೆಯ ಭಕ್ತಿಸಾರ
ವಿದ್ಯೆಯ ಜೊತೆಗೆ ಕಲಿತ ಶತ್ರುಗಳ ಸಂಹರಿಸುವ ಪಾಠ
ಪ್ರಚೋದನೆ ನೀಡಿತು ಮನಕೆ ವೀರ ಯೋಧರ
ದೇಶ ರಕ್ಷಣೆಯ ಕಥೆಗಳ ಸಾಕ್ಷಿಯ ಸಂಪುಟ
ಅವಕಾಶ ದೊರೆಯಿತು ಗಡಿ ತೀರವ ಕಾಯುವ ಹುದ್ದೆಗೆ
ಆಗ ತನ್ನ ಕುಟುಂಬವ ತ್ಯಜಿಸಿ ನಡೆದ ಯುವಕ
ಹಿಮಾಲಯ ಪರ್ವತದೆಡೆಗೆ
ತನ್ನ ರಕ್ಷಣೆ ಭಾರವ ಬೆನ್ನಲಿ ಹೊತ್ತು
ವೈರಿಗಳ ಗುಡುಗ ಅಡಗಿಸುವ ಮುತ್ತು
ನಿದ್ರಿಸಲು ಬಯಸುವುದೆ ಶಯನ ಗೃಹವ
ಪಾಪ ಕರ್ಮವ ಎಸಗಿ ದೇಶ ದ್ರೋಹದಿ ಮುಳುಗಿ ನಾವ್ ಮರೆಯಬಹುದೇ
ಮೇಣದಂತೆ ಸವೆಯುತ್ತಿರೊ ಸೈನಿಕರ ಜೀವನವ
ತಾಯ್ನಾಡ ಉಳಿವಿಗೆ ಹೆಬ್ಬಂಡೆಯಂತೆ ಕಾವಲಿರುವ ಶೂರರಿಗೆ ಪ್ರತಿದಿನವೂ ಸೇರಬೇಕು ನಮ್ಮ ಕೋಟಿ ಕೋಟಿ ನಮನ
ಎದುರಾಳಿ ಗುಂಡಿಗೆ ಬಲಿಯಾದ ವೀರ ಯೋಧರ ಕಥನ
ಮಕ್ಕಳ್ ಎದೆಯಲ್ಲಿ ಮೂಡಿಸಬೇಕು ಸದಾ
ಸೃಜನಶೀಲ ಚಿಂತನೆಯ ದೇಶಾಭಿಮಾನ.
ಬೆಳದಿಂಗಳ ರಾತ್ರಿಯಲ್ಲಿ
ಹುಣ್ಣಿಮೆಯ ನಗುವಲ್ಲಿ
ತಾಯಿಯ ಕೈಯಲ್ಲಿ ಪುಟ್ಟ ಮಗು
ಪುಟ್ಟ ಮಗು ಬಾಯಲ್ಲಿ ಒಂದೆರಡು ತುತ್ತಿಟ್ಟು
ಮುತ್ತಿಕೊಂಡ ಆಡುಗಳು ನೋಡಿಲ್ಲಿ
ಅತ್ತರೆ ಅಳುತ್ತಾ ನಕ್ಕರೆ ನಗುತಾ
ಚಂದ್ರನ ನೋಡಿ ಕರೆದಿಹಾಳು ಬಳಿಗೆ
ಹೊತ್ತು ಕಳೆಯಿತು ಮಂಜು ಸರಿದ ಹಾಗೆ
ಚಂದ್ರ ಓಡಿ ಸೂರ್ಯ ಬರುವ ಹೊತ್ತಿಗೆ
ಮಗು ಮಲಗಿಹುದು ತೊಟ್ಟಿಲ ಬಳಿಯಾಗೆ
ಕೋಗಿಲೆಯ ಬಣ್ಣವೂ ಕಪ್ಪು
ಕಾಗೆ ಬಣ್ಣವು ಕಪ್ಪು
ರಾಗದಿ ವ್ಯತ್ಯಾಸ ವಿಪ್ಪು
ಕಪ್ಪು ಬಿಳಿ ಮನುಷ್ಯ
ಆದರೆ ಮನದೊಳು ಸಾವಿರ ಕಲ್ಮಶ
ನೀರಿಗೆ ಇಲ್ಲ ಬಣ್ಣ
ಆದರೂ ಅದು ಬೇಕು ಎಲ್ಲರಿಗೂ ಅಣ್ಣ
ಜಗದೊಳು ಬಣ್ಣಕ್ಕೆ ಕೊರತೆಯಿಲ್ಲ
ಆದರೂ ನಾವು ಅದನ್ನು ಬಿಡಬೇಕಲ್ಲ
ಕೆಲಸವಿಲ್ಲದೆ ಕುಳಿತರೆ ಮನೆಯಲ್ಲಿ..!!
ಹುಳು ಓಡಾಡಿದಂತೆ ತಲೆಯಲ್ಲಿ..!!
ಮನಸಿಗೆ ಬೇಕು ಏಕಾಗ್ರತೆ..!!
ಇದ್ದರೆ ಸಮಯದ ಜಾಗ್ರತೆ..!!
ಆಗ ಪ್ರತಿದಿನವೂ ಜಾತ್ರೆ..
ಇಲ್ಲವೆ ರಾತ್ರಿ ನಿದ್ರೆಗಾಗಿ ನುಂಗಬೇಕಾಗುತ್ತೆ ಮಾತ್ರೆ.
!!!
ಕೋಪಗೊಂಡ ಪ್ರಕೃತಿಯ ಕ್ರೂರ ನೋಟ
ಸುಡುತಿದೆ ಮಾನವರಿಗೆ ಅರಿವಿಲ್ಲದ ಆಟವ
ಹಿಂದೆ ಸಾವಿರ ಕಷ್ಟಗಳ ನಡುವೆ
ನೆಲೆಸಿತ್ತು ಮನೆಯೊಳಗೆ ಐಕ್ಯತೆಯ ಭಾವ
ಸ್ಮರಿಸದಾದೇವು ಇಂದು ಅಂತಹ ಚೈತನ್ಯ ತುಂಬುವ ಸಹೃದಯಿಗಳ ಒಲವ
ಅನುಬಂಧದ ಅನುರಾಗದಿ ಅರಳಿದಂತ ಹೂವ
ಗೋಚರಿಸದ ಕೊರ ನದ ಸಿಡಿಲಿನ ಬಯಕೆ
ಮಿಡಿದ ಹೃದಯಗಳ ಕಂಬನಿಯ ಸ್ಪರ್ಶವಿರದೆ
ಸೇರುತ್ತಿವೆ ಸಹಸ್ರಾರು ಶವಗಳ ಸಾಲು
ರುದ್ರಭೂಮಿಯ ತಳವ
ಅರಿವಿಲ್ಲದ ಯಮನ ಪಾಶದ ತುದಿಯ ಕಣವು
ನಮ್ಮ ಶ್ವಾಸವ ಸೇರುವ ಮುನ್ನ
ಸಿದ್ಧರಾಗಿರಿ ಇಂದು ಗೃಹ ದಿಗ್ಬಂಧನದಡಿ
ಅಂತರದ ಸುರಕ್ಷತೆಯ ಸ್ವಾರ್ಥದ ಬದುಕಿನೆಡೆಗೆ
ಈ ಸಮಯ ಕಳೆಯಲು ಸಾಕ್ಷಿಯಾಗಿದೆ ನಮಗೆ
ಮಾಹಿತಿ ಒದಗಿಸಒ ಆನ್ಲೈನ್ ಕಾರ್ಯಾಗಾರದ ಕೊಡುಗೆ
ಪುಟ್ಟ ಸಭೆಯಲ್ಲಿ ನೀವ್ ಮಿಂಚುವ ಸಂಚನು ಮರೆತು
ವೈರಸ್ ತೊಲಗಿಸುವ ಬನ್ನಿ ನೊಂದ ಜೀವಕ್ಕೆ ಸಹಾಯ ಹಸ್ತವ ನೀಡಿ ತ್ಯಾಗ ಸೇವೆಯ ಸಿರಿಯಾಗಿ