"ಅವಳ ನೋಡುವುದೇ.. ಒಂದು_ಚೆಂದ !
ಅವಳು ಜೊತೆಯಾಗಿದ್ರೆ.. ಏನೋ ಆನಂದ !
ಅವಳ ಬೈಗುಳವು ಕೂಡ..
ಮುದ್ದಾಗೆ ಇರುತ್ತೆ !
ಅವಳು ನನ್ನ ಮೆಚ್ಚಿಕೊಂಡರಂತು..
ಜಗವೆ_ಗೆದ್ದಾಗ್ ಅನ್ಸುತ್ತೆ !
ಅವಳು.. ಹೇಗೆ ಇರಲಿ !
ನನ್ನ.. ಏನೇ ಅನ್ನಲಿ !
ಅದಕ್ಕಿಂತ ಹೆಚ್ಚಾಗಿ.. ಅವಳು ನನ್ನ ಪ್ರೀತಿಸಲಿ !
ಅವಳ ಪ್ರೀತಿ ಹೊರೆತು.. ಬೇರೇನು ಬೇಕಿಲ್ಲ !
ಅವಳ ಹೊರೆತು ಏನಿದ್ರು.. ನನಗೆ ಲೆಕ್ಕ ಇಲ್ಲ !!"
ಎಮ್.ಎಸ್.ಭೋವಿ...✍️
ಬಾಲ್ಯದ ಜೀವನ ಅದೆಷ್ಟು ಸೊಗಸು,
ಕ್ರೋದ ಅಸೂಯೆ ಕಿಚ್ಚು ಇಲ್ಲದ ಮನಸ್ಸು,
ಕನಸುಗಳಿಗೆ ಇರಲಿಲ್ಲ ಎಲ್ಲೆ,
ಓ ಗಗನವೇ ಇದು ನೀ ಬಲ್ಲೆ,
ನಮಗಿರಲಿಲ್ಲ ಇತರರ ಹಂಗು,
ತುಂಬಿಕೊಂಡಿತ್ತು ಜೀವನದ ರಂಗು,
ಇದ್ದಾಗ ತಾಯಿಯ ಮಡಿಲಲ್ಲಿ,
ಬೇಸರವಿತ್ತು ನಮಗೆಲ್ಲಿ,
ಇದ್ದರೆ ಜೊತೆಯಲ್ಲಿ ಗೆಳೆಯರ ಬಳಗ,
ಎಲ್ಲವೂ ಮರೆಯುತ್ತಿದ್ದೆವು ನಾವಾಗ,
ನಮ್ಮ ಮನಸ್ಸಿತ್ತು ಸ್ವತಂತ್ರ,
ಆದೆಲ್ಲ ಆಗಿತ್ತು ನಮ್ಮ ಖುಷಿಗೆ ಮೂಲಮಂತ್ರ,
ಯಾಕೆ ಮರೆತವು ನಾವು ಆ ಕಲೆಯ?
ನೆನಪಾಗದೆ ನಮಗೆ ಆ ಬಾಲ್ಯ?
ಮರಳಲು ಇಚ್ಛಿಸಿದೆ ಮನ ಆ ಕಾಲಕೆ?
ಮತ್ತೆ ಒಡೆಯಲು ಸಾಧ್ಯವಿಲ್ಲವೇ
ಆ ಬಾಲ್ಯ ಮನದ ಮೊಳಕೆ?
ಕಳೆದ ಆ ದಿನಗಳ
ಕಥೆಯ ರೂಪದಲ್ಲಿ ಕರೆತರುವೆ
ಕಿವಿಗೊಟ್ಟು ಕೇಳು
ಮಿಡಿಯುವ ಮನಕೆ
ಮಿನುಗುವ ನಗು ತರುವೆ
ಮನಬಿಚ್ಚಿ ಕೂಗು
ಕಣ್ಮರೆಯಾಗಿಲ್ಲ ನಾನು
ಕಣ್ಮರೆಯಾಗುವವರೆಗೂ
ನಿನ್ನನ್ನೇ ನೋಡುತಿರುವೆ
ಹಿಂತಿರುಗಿ ನೋಡು
ಸಾಕಾದ ಜೀವನಕೆ
ಸಾಕಷ್ಟು ಕ್ಷಣಗಳ ಮೀಸಲಿಡುವೆ
ಬಿಕ್ಕಿ ಅತ್ತವಳೆ
ತುಟಿ ಮೇಲೆ
ನಗುವ ಬಿತ್ತಲು
ಮರೆಯದೆ ಬರುವೆ
ಎಮ್.ಎಸ್.ಭೋವಿ...✍️
"ನಿನ್ನನ್ನೇ ನೋಡುವ ಕಾತುರದಿ
ಪಯಣವ ಬೆಳೆಸಿರುವೆ,
ಹಾದಿಯ ನಡುವೆ ನಾ ದಾರಿ
ತಪ್ಪಿರುವೆ ಗೆಳತಿ ಕಾಣದ ನಿನ್ನನ್ನು
ಕಾಣುವ ಬಯಕೆಯೂ,
ಈ ಸುರಿಯುವ ಸೋನೆಯಲಿ ನಿನ್ನದೇ
ತುಂತುರು ನೆನಪುಗಳು,
ಅದೆಲ್ಲಿರುವೆಯೋ ಬಂದು ಸೆರುವೆ ಈ
ಮುಂಗಾರು ಮುಗಿಯುವ ಮುನ್ನ"..!!
ಎಮ್.ಎಸ್.ಭೋವಿ...✍️
..
..
ಉತ್ತರ ಇಲ್ಲದ ಪ್ರಶ್ನೆಗಳು ?
ಅರ್ಥವಿಲ್ಲದ ನೋವುಗಳು,
ನಿದ್ದೆ ಇಲ್ಲದ ರಾತ್ರಿಗಳು,
ನೆಮ್ಮದಿ ಇಲ್ಲದ ಹಗಲುಗಳು,
ಮರೆತು ಹೋದ ಮನಸುಗಳು,
ಮರೆಯದೆ ಬರುವ ಕಣ್ಣೀರು,
ಕಳೆದು ಹೋದ ನಿನ್ನೆಗಳು,
ಕಾಣದೆ ಬರುವ ನಾಳೆಗಳು,
ಆದರೂ ಸದ್ದಿಲ್ಲದೇ ಸಾಗುತಿದೆ
ಜೀವನದ ಹೆಜ್ಜೆಗಳು....
ಎಮ್.ಎಸ್.ಭೋವಿ....✍️
.