ಬೆಂಕಿ ತಾಗಿಸಿಕೊಂಡು ದೀಪ ಕಿಚ್ಚಿಗೆ ಅಂಜಿದೆಂದೆಂತಯ್ಯ
ಅಂತಾದರೆ ಊರ ಬೆಳಗುವವರಾರು?
ಶಾಖಕೆ ಅಂಜಿ ಸೂರ್ಯ ಅತ್ತರೆ
ಲೋಕ ಬೆಳಗುವವರಾರು.?
ಚಳಿ ತಾಳದೆ ಶಶಿಯೆ ಕಂಬನಿ ಮಿಡಿದು ಬಿಟ್ಟರೆ
ತಾರೆಗಳಿಗೆ ಜೊತೆಗಾರರು ಯಾರು
ನನ್ನ ತಪ್ಪಾ ಕಂಡು ನನ್ನ ನೀನು ಕೈ ಬಿಟ್ಟರೆ
ನನ್ನ ಮನವ ಬೇಳಗುವವರರು ದೇವ?
ಬುದ್ಧಿವಂತಿಕೆ ಯಲ್ಲಿ ಶಶಿಯಲ್ಲಿ ಪಾದವಿತ್ತು
ಸಮುದ್ರ ರಾಜನ ಭೇದಿಸಿ ಪಳೆಯುಳಿಕೆ ಪಡೆದ
ವಾಯುವನ್ನು ಬಂಧಿಸಿ ಅಡುಗೆ ಮಾಡಿದ
ವರುಣನ ಕಲುಷಿತ ಮಾಡಿದ
ಆಧುನಿಕ ಮಾನವ ಮತ್ತೆ ಏಕೆ ಎನಿಸುವೆ ಆ ಸತ್ಯಾಯುಗದಕತೆಯನ್ನ
ಇದ್ದರೆ ನೀನು ಅಲ್ಲಿ ನಿರ್ಮಿಸುತ್ತಿದೆ
ಮತ್ತೊಂದು ಕಲಿಯುಗವ ನ್ನು ನನ್ನಾತ್ಮಾ ಲಿಂಗ
ನೀನೊಂದು ಮಹಿಮೆ
ನಿನ್ನ ದಯೆ ನನ್ನ ಹಿರಿಮೆ
ಬಾಳು ನೀ ಕೊಟ್ಟ ಭಿಕ್ಷೆ
ನೀನೆ ನನಗೆ ರಕ್ಷೆ
ಕಾರ್ಯ ಕಾರಣಗಳು ಬೇಡ ನಿನ್ನ ನಂಬಲು
ನೀನೊಬ್ಬ ಸಾಕು ಈ ಜೀವನ ಸಂಪೂರ್ಣವಾಗಲು..
ಕಣ್ಣಂಚಲ್ಲಿ ನೀರು ತಂದವರು ಸಾವಿರ ಜನ
ಕಣ್ಣೊರೆಸಿದ ದೈವ ನೀನು ಮಾತ್ರ
ಧೈರ್ಯ ತುಂಬಿದ ಗುರುವು ನೀನು
ಬದುಕುವ ಛಲ ಹುಟ್ಟಿಸಿದ ತಂದೆ ನೀನು
ಆತ್ಮ ಸ್ಥೈರ್ಯವ ತುಂಬಿದವನು ನೀನು
ಆತ್ಮ ತೃಪ್ತಿಯಂತೆ ಬದುಕುತ್ತಿರುವವಳು ನಾನು..
ನನ್ನ ನೋವನ್ನು ಕಂಡು ಕಾಡದಂತೆ ನಡೆದವರೆ ಹೆಚ್ಚು
ಸ್ವಾರ್ಥ ಜನರ ಸಂತೆಯಲಿ ನನ್ನ ದೂರಿದವರು ಮತ್ತೊಂದಷ್ಟು
ಏನೇ ಆಗಲಿ ಸ್ವಾಭಿಮಾನವ ಬಿಡದ ಹೆಣ್ಣು ನಾನು
ನೀ ನನ್ನೊಂದಿಗಿರುವಾಗ ಮತ್ತಾರ ಹಂಗೇಕಿನ್ನು...
ನನಗೆ ಇನ್ನೂ ನೆನಪಿದೆ
ಅದೊಂದು ವಿಸ್ಮಯದ ಕ್ಷಣ!
ಸುಮ್ಮನೆ ತಲೆ ಎತ್ತಿ ಶೂನ್ಯದತ್ತ ದೃಷ್ಠಿಸಿದೆ
ಕಳೆದ ದಿನಗಳ ಅದ್ಭುತ ದೃಶ್ಯಕಾವ್ಯವೊಂದು
ಕಣ್ಣೆದುರು ಹಾದು ಹೋಯಿತು
ಅದು ಸುಂದರ ಮತ್ತು ಅಪ್ಯಾಯತೆಯ
ಒಟ್ಟಾರ್ಥದಂತಿತ್ತು.
ನನ್ನ ಅಸಹಾಯಕತೆ ಮತ್ತು ಸಿಟ್ಟನ್ನು ತಣಿಸುವಂತೆ,ಲೌಕಿಕ ಬಯಕೆಗಳಿಂದ ಮುಕ್ತಗೊಳಿಸುವಂತೆ ಪ್ರಾರ್ಥಿಸಿದೆ!
ಮನಸ್ಸಿಗೆ ಹಿತವೆನಿಸುವ ನಿನ್ನ ಮಾತುಗಳು
ಮರೆತು ಬಹಳ ದಿನಗಳಾಗಿದ್ದವು
ಹಾಗೆ ನಿನ್ನ ಆಕರ್ಷಕ ವ್ಯಕ್ತಿತ್ವವು ನನ್ನ
ಕನಸುಗಳನ್ನು ಕಾಡುವುದನ್ನು ಕೂಡ!
ಕಾಲ ಸರಿಯಿತು, ಸಣ್ಣದೊಂದು ಬಂಡಾಯದ ಬಿರುಗಾಳಿಯ ಸ್ಪೋಟ
ನಿನ್ನೆಡೆಗಿನ ಒಂದು ಕಾಲದಲ್ಲಿ ನನ್ನದೆಂದುಕೊಂಡಿದ್ದ ಬಾವನೆಗಳನ್ನ ಛಿದ್ರಗೊಳಿಸಿತ್ತು
ನಿನ್ನ ಸವಿಮಾತುಗಳನ್ನು, ನಿನ್ನ ವ್ಯಕ್ತಿತ್ವದ ವಿಶೇಷತೆಗಳನ್ನು ಸಹ ಮರೆತುಹೋಗಿದ್ದೆ.
ಅವು ನನ್ನ ಬದುಕಿನ ಒಂಟಿತನದ ಕರಾಳ ದಿನಗಳು
ಆಗಾಗ ಸಂಜೆಗೆಂಪಿನ ಆಕಾಶವನ್ನು ದಿಟ್ಟಿಸುತ್ತಿದ್ದೆ
ಯಾವ ಸಿದ್ದಾಂತಗಳು, ಯಾವ ಮಾತು - ಕೃತಿಗಳು ನನ್ನಲ್ಲಿ ಜೀವನೋತ್ಸಾಹ ಉಕ್ಕಿಸುತ್ತಿರಲಿಲ್ಲ
ನನ್ನನ್ನು ಪ್ರೀತಿಸುವರು, ನನ್ನವರು ಯಾರು ಇಲ್ಲದಂತಾಗಿತ್ತು
ಆಗ ಬಂತೊಂದು ಅಪೂವ೯ ನವ-ಚೈತನ್ಯದ ಕ್ಷಣ
ಮೇಲೆ ನೋಡಿದೆ, ಮತ್ತೆ ಅಲ್ಲಿ ನೀನು ?
ಅದೊಂದು ಅದ್ಭುತ ದೃಶ್ಯ ಕಾವ್ಯ
ಅಪರೂಪದ ಪ್ರೀತಿ ಮತ್ತು ಆತ್ಮೀಯತೆಯು ಸಾರಾಂಶದಂತಿತ್ತು
A translation
ಅದೋ ಅಲ್ಲಿ , ಅರಳಿದೆ ನೋಡು
ಕೃಷ್ಣವರ್ಣದ ,ಸುಹಾಸದ,
ಸುವಾಸದ ಬೆಟ್ಟದ ಹೂ.
ಬೀಸುವ ತಂಗಾಳಿಗೆ ತಲೆದೂಗುವ,
ದುಂಬಿಗಳ ಕೈ ಬೀಸಿ ಕರೆಯುವ,
ಮನಮುಟ್ಟುವ ಬೆಟ್ಟದ ಹೂ.
ಹಾರುವ ಮೋಡಗಳ ಕೈಬೀಸಿ ಕರೆಯುವ,
ಇಂದ್ರಚಾಪಕೆ ಕೊರಳನು ಚಾಚಿ,
ನಲಿನಲಿಯುವ ಬೆಟ್ಟದ ಹೂ.
ಮಾಲಿನ್ಯದ ಎಣೆ ಇಲ್ಲದೆ,
ಮಾನವನ ಹಂಗಿಲ್ಲದೆ,
ನಸುಸಂಜೆಗೆ ಕಾಯ್ವ ಬೆಟ್ಟದ ಹೂ