ನೀರು,ಜಲ,ತೀರ್ಥ..ಭೂಮಿಯಲ್ಲಿ ಮುಕ್ಕಾಲು ಪಾಲು. ದೇಹದಲ್ಲಿ ಕೂಡ
ಹುಟ್ಟಿನಿಂದ ಸಾಯುವವರೆಗೂ
ಪ್ರಾಣವಾಯುವಿನ ನಂತರ ನೀರೆ
ಸ್ತ್ರೀಯು ನೀರೆ ನಮ್ಮ ಹುಟ್ಟೂ ಅವಳೇ
ಇರಬೇಕು ನಮಗೆ ಅದರ ಒಳ್ಳೆಯ ಕಡೆ
ಕಲ್ಲು ಬೆಳೆವುದು ನೀರಲ್ಲೇ ದೇಹ ಕಟ್ಟುಮಸ್ತು ಸದ್ಬಳಕೆ ಆರೋಗ್ಯನೆಡೆ
ಪ್ರಾರ್ಥನೆಯ ಗುಟ್ಟು ತೀರ್ಥಸೇವನೆ
ಪ್ರಾಣ ಹೋಗುವವರೆಗೂ ಜೀವಜಲ
ಮೈಸೂರಿನ ಮಹಾರಾಣಿ....
ಬೆಟ್ಟದ ಚಾಮುಂಡಿ
ಆನೆಯ ಅಂಬಾರಿ
ತಾಯಿಯ...ಸವಾರಿ
ನೋಡಲು ಅಂದವೇ
ನೋಡಲು ಆನಂದವೇ..ಹೇ...ಹೇ...ll
ಮಲ್ಲಿಗೆ ಹೂ ಮಾಲೆ
ಘಮ್ಮಿಸುತಿರುವೆ...ತಾಯಿ ಚಾಮುಂಡಿ...
ನಿನ್ನ ಸಡಗರ ಸಂಭ್ರಮ..
ನೋಡುವ ವೈಭವವೇ ಸೌಭಾಗ್ಯವೇ...
ಕರುಣೆಯ ಮಮಕಾರ ಮಾಯಿ
ನನ್ನ ಹೃದಯದಲಿ ನೆಲೆಸಿ
ನಮ್ಮನ್ನ ಕಾಪಾಡೋ ಶ್ರೀದೇವಿ
ಮೈಸೂರಿನ ಮಾಹಾರಾಣಿ...
ಬೆಟ್ಟದ ಚಾಮುಂಡಿ...
ತುಪ್ಪದ ದೀಪದಲಿ ಹೊಳೆಯುವ
ಸೌಂದರ್ಯ ರೂಪಿಣಿ
ಅರಿಸಿನ ಕುಂಕುಮ ಗಂಧದಲಿ
ಅಲಂಕಾರದಲಿ ನಿನ್ನ ರೂಪ
ಜಗಮಗಿಸುವ ಚಾಮುಂಡಿ ತಾಯಿಯೇ
ಚಂದದ ಶ್ರೀದೇವಿಯೇ
ಮೈಸಾಸೂರ ಮರ್ದಿನೀಯೇ
ಸುಂದರ ಮಹಾಮಾತೆಯೇ
ಭಾರತಾಂಬೆಯ ವೀರಪುತ್ರರೇ ನಿಮಗಿದೋ ನನ್ನ ನಮನ
ಹಗಲಿರುಳೆನ್ನದೆ ಹೋರಾಡುವಿರಿ ಬಿಟ್ಟು ಭಯಾನ
ಜನ ರಕ್ಷಣೆ ನಮ್ಮ ಹೊಣೆ ಎಂದು ಪಣ ತೊಟ್ಟಿರುವಿರಿ
ತನು ಮನ ಮುಡಿಪಿಟ್ಟು ಎದೆಗುಂದದೆ ಕಾದಾಡುವಿರಿ
ಜನ್ಮ ಭೂಮಿಯ ನೆಮ್ಮದಿಗಾಗಿ ಸರ್ವಸ್ವವನ್ನೂ ತ್ಯಜಿಸಿ
ನಿಸ್ವಾರ್ಥ ಸೇವೆಯ ಭಾರತಾಂಬೆಗೆ ಸಲ್ಲಿಸಿ
ಪ್ರಾಣದ ಹಂಗನ್ನು ತೊರೆದು ಗಡಿಯಲ್ಲಿ ಕಾಲಿರಿಸಿ
ತಾಯ್ನೆಲ ಕಾಯಲು ಅರಿಗಳ ಶಿರವ ಧರೆಗುರುಳಿಸಿ
ಬಂದ ಗುಂಡಿಗೆ ಮುನ್ನುಗ್ಗಿ ಅಸುನೀಗುವರು ಎಷ್ಟೋ ಕಲಿಗಳು
ವೀರ ಮರಣವ ಹೊಂದಿ ಭೂ ಒಡಲ ಸೇರುವರು
ಸೈನಿಕರ ತ್ಯಾಗ ಬಲಿದಾನವ ಮರೆತ ಜನರು
ಜಾತಿ ಮತವೆಂದು ಹೊಡೆದಾಡುತ್ತಿರುವರು
ವೈರಿಯ ಗುಂಡಿಗೆ ಎದೆಯೊಡ್ಡಿ ಗಡಿ ಕಾಯುವ ಸುಪುತ್ರರಿಗೆ ಯಾವುದು ವರ್ಣ
ತನ್ನವರ ಮಮತೆಯ ಮರೆತು ಮಾತೃಭೂಮಿ ರಕ್ಷಣೆಗೆ ಮುನ್ನುಗ್ಗುವ ಸಿಪಾಯಿಗೆ ಯಾವ ಧರ್ಮ
ಯೋಧರ ಸಾಹಸ ಸಾಧನೆಗಳಿಗೆ ಪರಿಧಿಯಿಲ್ಲ
ಜೀವಕ್ಕೆ ಜೀವ ಕೊಟ್ಟು ನಮ್ಮನ್ನೆಲ್ಲಾ ಕಾಯುತ್ತಿರುವ
ವೀರ ಯೋಧರಿಗೆ ನನ್ನ ಭಾವಪೂರ್ಣ ನಮನ
✍️ ರಂಜಿತ ಪ್ರಕಾಶ್ (ರಂ.ಪಿ)
- ರಂಜಿತ ಪ್ರಕಾಶ್ (ರಂ.ಪಿ)
25 Oct 2026, 05:46 pm
ಕವನ
ಅರಳಿದ ಹೂವಿನ ಭಾವವು ನೀನು
ನನ್ನ ಜೋತೆಗಾರ್ತಿ
ಕೆನ್ನೆಯು ಏತಕೆ ಕೆಂಪು ತುಂಬಿದೆ
ಹೇಳು ಏನಂತಿ
ಕಂಡರೆ ನಿನ್ನ ಕಳವಳ ಎದೆಯಲಿ
ಸುಮ್ಮನೆ ಯಾಕ ಇರುತಿ
ಪ್ರೀತಿಯ ಸ್ವರವನು ಮಾತಲಿ ಗುನಗು
ಈ ಹೃದಯದಿ ಇರುವಂತಿ
ಎಷ್ಟು ಜನ್ಮದ ಪುಣ್ಯಯೋ ಕಾಣೆ
ನನಗೆ ಈ ದೊರತಿ
ವಂದನೆ ಹೇಳುವೆ ಕವಿ ಮನದಲ್ಲಿ
ಜೀವನ ಸುಖ ಶಾಂತಿ
ದೂರಕೆ ಹೋಗದೆ ಹತ್ತಿರ ಬಾರೆ
ಪ್ರೇಮದ ಸತಿ ಅರಸಿ
ನಿನ್ನ ಆಸೆಯ ಬಲ್ಲೆನು ಬಾ
ನನ್ನ ಜೋತೆಗಾರ್ತಿ..
ರಚನೆ : ಜಿ. ವಿ. ಮೇತ್ರಿ..
ಹಣ ಒಂದು ವಸ್ತು,ಕಾಗದ ನಾಣ್ಯ
ಅದರ ಗಳಿಕೆ ಸೇವೆ ಕಾರ್ಯ ಶ್ರಮ
ಸರಿಯೇ...ಅಷ್ಟೆಯೇ.. ಊಹೂ
ಅದರ ಸ್ವರೂಪವೇ ಬೇರೆ
ಅದೊಂದು ಅಹಂಕಾರ,ದರ್ಪ,ಸ್ವಾರ್ಥ
ಹಿರಿಮೆ ದೊಡ್ಡಸ್ತಿಕೆ ಮದ ಕೊಬ್ಬು ಅದನ್ನು ಪಡೆದವನಿಗೆ ಆಗುವ ಮಾನಸಿಕ ಬದಲಾವಣೆ, ಭ್ರಮಣೆ
ಸಿರಿವಂತಿಕೆಯ ಅಪರಾವತಾರ
ಬಯಸಿ ಇಲ್ಲದವಗೆ?
ಬಡತನ ಕೀಳರಿಮೆ,ನಷ್ಟ,ದೌರ್ಭಾಗ್ಯ
ಕಡೆಗೆ...ಜೀವಂತ ಹೆಣ!
ಹೆಚ್ಚಿರುವಾಗ...
ಶ್ರೀಮಂತಿಕೆ, ಹಣದ ಬಗ್ಗೆ ವಾಕರಿಕೆ.
ಕೊಡುವ ಮನಸ್ಸಿಗೆ ಕಡಿವಾಣ
ಅಜ್ಜಿಯ ಕೋಳಿಯ ಕಥೆಯ ಉನ್ಮಾದ
ಹಣ ನಗುವ ಸುಡುವ ಮೋಜಿನ ಬೆಂಕಿ
ಹಣವೇ ನಿನ್ನಯ ಗುಣ ಎಷ್ಟು ವರ್ಣಸಲಯ್ಯ
ಹಣವಿಲ್ಲದ ಹೆಣ ಕನ್ಯಾ ಮನುಜಾ..
ಬಾನಿನ ತಾರೆಗಳು ಸಾಲಾಗಿ ನಿಂತು
ನಿನ್ನ ಹೆಸರನ್ನೇ ಹೃದಯದಲಿ ಬರೆದಿವೆ..
ಏನೆಂದು ಕೇಳಲಿ ನಾ...
ಕಲ್ಪನೆಯ ಸಂದೇಶವೊಮ್ಮೆ ನೀಡು ನೀ
ಹೃದಯದೊಳಗೆ ಬರುವೆ ಎಂದು ನೀ..
ಏನೆಂದು ಹೇಳಲಿ ನಾ...
ನನ್ನ ಹೃದಯದೊಳಗೆ ನೀ ಇರುವೆ ಎಂದು
ಕೊನೆವರೆಗೂ ನನ್ನ ಪ್ರೀತಿ ಕಾಪಾಡುವೆ ಎಂದು..
- ಸ್ವಪ್ನನಿಲೆ